Búgin saǵat 10.00-de A.Toqmaǵambetov atyndaǵy qalalyq mádenıet úıinde úıirme jetekshileriniń kásibı damýyna yqpal etý, is-qaǵaz jumystaryn saýatty túrde júıeleý, jańashyl tájirıbelermen bólisý maqsatynda «Balalar jyly» aıasynda «Mádenıet úıleri men klýb kásiporyndarynda úıirme jumystaryn uıymdastyrý jáne jandandyrý joldary» atty oblystyq semınar ótti.
Atalmysh sharaǵa qala jáne barlyq aýdandardan kelgen mádenıet qyzmetkerleri, úıirme jetekshileri qatysty. Ónerli de talantty jastarǵa jol siltep, úmitterin úkilep, qanattarynyń qataıýyna zor úles qosyp júrgen qalalyq mádenıet úıindegi túrli úıirmeler jumysy jaıly beınerolıkpen bastalǵan sharanyń alǵy sózi qalalyq mádenıet jáne tilderdi damytý bóliminiń basshysy N. Ábildaev berilip, ol óz sózinde 2022 jyl «Balalar jyly» ekendigin tilge tıek etip, balalardyń bos ýaqytyn tıimdi ótkizý maqsatynda mádenıet úılerindegi úıirmelerdiń jas ónerpazdardyń ónerin shyńdap, talantty balalardy anyqtap, úlken sahnaǵa shyǵarýda orny erekshe ekenin atap ótti. Sondaı-aq, semınarda qalalyq mádenıet úıiniń birqatar úıirme jetekshileri baı tájirıbelerimen bólisip, úıirmeniń jas ónerpazdary óz ónerlerin ortaǵa saldy. Sharany «Qalalyq mádenıet úıi,klýbtar jáne halyqtyq ujymdar» MKQK dırektory E. Qanatbaeva qorytyndylady.
Arnaıy uıymdastyrylyp otyrǵan bul kezdesýdiń basty muraty - úıirme jumysyn jandandyrý maqsatynda úıirmelerge tegin qatysý arqyly jas jetkinshekterge úlken múmkindikter ashyp, talanttaryn shyńdap, OBLYSTYQ, RESPÝBLIKALYQ, HALYQARALYQ baıqaýlarǵa qatysýyna úlken múmkindik mektebin qalyptastyrý.
Bolashaqta elimizdiń órkendeýine bilimdi jastar ǵana bıik asýlardan asa alatynyn eskersek, balalarǵa jasaǵan qamqorlyq elimizge eselep qaıtatyny anyq. El tiregi, erteńimizdiń kepili bolǵan jas urpaǵymyzdyń denderi saý, aspany ashyq bolsyn!
Qala jáne qalaǵa qarasty eldi-mekenderdegi mádenıet oshaqtarynda túrli janrda tegin úıirmeler jumys jasaıtyndyǵyn habardar ete otyryp, ata-analarǵa balalaryńyzdy úıirmelerge qabyldaý júrgizilip jatqanyn habarlaımyz! Jýyrda áleýmettik jeli arqyly osy úıirmeler týraly tolyq aqparat jarııalanatyn bolady.
