شىمكەنت قالاسىندا بيىل تۇرعىن ءۇي سەرتيفيكاتى ءۇشىن بيۋدجەتتەن 500 ملن تەڭگە قارجى قارالىپ وتىر.
سەرتفيكات «نۇرلى جەر» مەملەكەتتىك باعدارلاماسى اياسىندا «2-10-20»، «5-10-20» جانە «7-20-25» بويىنشا تۇرعىن ءۇي ساتىپ الۋ بارىسىندا جانە يپوتەكالىق تۇرعىن ءۇي قارىزدارى بويىنشا باستاپقى جارنانىڭ ءبىر بولىگىن جابۋ ءۇشىن قايتارىمسىز نەگىزدە 1 ملن تەڭگە بەرىلەدى.
بۇل – قالا اكىمىنىڭ قولداۋىمەن، اكىمدىك تاراپىنان بەرىلەتىن قايتارىمسىز كومەك.
2021 جىلى بيۋدجەت ەسەبىنەن 416 تۇرعىن سەرتيفيكاتى وتەۋسىز كومەك رەتىندە ۇلەستىرىلىپ، 2020 جىلمەن سالىستىرعاندا 4 ەسەگە ارتقان.
وسى جىلعا ارنالعان تۇرعىن ءۇي سەرتيفيكاتىن الۋعا ءوتىنىم قابىلداۋ ءالى باستالمادى. الدىن-الا باق-تا جانە الەۋمەتتىك جەلىلەردە حابارلاناتىن بولادى.
ايتا كەتەرلىگى، «تۇرعىن ءۇي سەرتيفيكاتىن بەرۋ» مەملەكەتتىك كورسەتىلەتىن قىزمەتى تولىعىمەن اۆتوماتتاندىرىلعان. بۇل قىزمەت بوينشا ازاماتتاردىڭ قۇجاتتارىن قابىلداۋ – اقپاراتتىق جۇيەنىڭ www.kezekte.kz سايتى ارقىلى جۇزەگە اسىرىلادى. بۇل ءۇشىن ءار ءبىر ازاماتتىڭ ەتسق (ەلەكتروندى تسيفرلى قولتاڭباسى) بولۋى ءتيىس.
