ۇلتتىق ستاتيستيكا بيۋروسى قازاقستاننىڭ دەموگرافيالىق جاعدايى تۋرالى مالىمەتتەر دايىندادى. ەلىمىزدەگى حالىق سانى بۇگىندە 19 ميلليون 125 مىڭ 600 ادام بولسا، ونىڭ ىشىندە قالا حالقى 11 ميلليون 355 مىڭ 800 ادام، اۋىل حالقى 7 ميلليون 769 مىڭ 800 ادام. سوڭعى ءبىر جىلدا حالىق سانى 248,5 مىڭ ادامعا نەمەسە 1,3%-عا ءوستى.
تۋدىڭ جالپى كوەففيتسيەنتى 1000 ادامعا شاققاندا 23,41 تۋىلدى، بۇل وتكەن جىلدىڭ سايكەس كەزەڭىمەن سالىستىرعاندا 5,9%-عا ارتىق. قايتىس بولعاندار سانى 183,4 مىڭ ادامدى قۇرادى، بۇل 2020 جىلعى قاڭتار-جەلتوقسانمەن سالىستىرعاندا (162,6 مىڭ ادام) 12,8%-عا ارتىق. جالپى ءولىم كورسەتكىشى 1000 ادامعا شاققاندا 9,53 ءولىمدى قۇرادى.
2021 جىلى ەلىمىزگە كەلگەندەر سانى 10 982 ادامدى، ەلدەن كەتكەندەر سانى 32 209 ادامدى، كوشى-قون سالدوسى 21 227 ادامدى قۇرادى.
ەلىمىزدىڭ نەگىزگى كوشى-قون الماسۋى تمد ەلدەرىمەن جۇزەگە اسادى. قازاقستاننان ءبىرجولا كەتكەن ازاماتتاردىڭ سانى كۇننەن-كۇنگە ارتىپ كەلەدى. وتكەن جىلى 32 مىڭ ادام كەتكەن. كوبىنەسە ازاماتتار رەسەيگە، گەرمانياعا، پولشاعا كەتەدى.
"ادىرنا" ۇلتتىق پورتالى
