كەز-كەلگەن وركەنيەتتى قوعامدا مۇمكىندىگى شەكتەۋلى ازاماتتارعا كومەك بەرۋ ادامگەرشىلىكتىڭ كورسەتكىشى، مۇنىمەن داۋلاسا المايمىز. بىراق وكىنىشكە وراي، مۇمكىندىگى شەكتەۋلى ازاماتتاردىڭ جاعدايىن پايدالانىپ، جەكە مۇددەسىندە قولدانىپ جۇرگەندەر دە جوق ەمەس.
قر «سىبايلاس جەمقورلىققا قارسى ءىس-قيمىل تۋرالى» زاڭى اياسىندا قوعامدىق ىندەتپەن كۇرەستە ازاماتتار مەن قوعامدىق بىرلەستىكتەردىڭ قاتىسۋى قامتاماسسىز ەتىلگەن. سىبايلاس جەمقورلىقپەن كۇرەستىڭ تيىمدىلىگىن ارتتىرۋ، پاراقورلىققا يتەرمەلەيتىن العىشارتتاردىڭ الدىن الۋ، ادال ەڭبەك جانە ادىلدىكتى قامتاماسسىز ەتۋ ماقساتىندا قۇرىلعان «ادىلدىك جولى» قوعامدىق بىرلەستىگىنىڭ تۇركىستان قالالىق فيليالىنىڭ goszakup.gov.kz پورتالىن باقىلاۋ بارىسىندا مەملەكەتتىك قارجىنى ءتيىمسىز يگەرگەن مەملەكەتتىك ورگاندار ءجيى كەزدەسىپ جاتادى. كەزەكتى مونيتورينگ بارىسىندا انىقتالعانداي، 2019 جىلى 19 ساۋىردە تۇركىستان وبلىسى جۇمىسپەن قامتۋدى ۇيلەستىرۋ جانە الەۋمەتتىك باعدارلامالارى جونىندەگى باسقارماسى مەن «كوگەرشىن» مۇگەدەكتەر قوعامدىق بىرلەستىگى اراسىندا زاعيپتارعا ارنالعان ارنايى تەحنيكانى ساتىپ الۋعا قاتىستى كەلىسىم-شارت جاسالعان https://goszakup.gov.kz/ru/egzcontract/cpublic/show/7774296.
اتالمىش كەلىسىم-شارت نەگىزىندە «ورتا سىنىپ» دەپ كورسەتىلگەن 306 نوۋتبۋك، وپەراتسيالىق جۇيە، تەكستتىك رەداكتسياعا ارنالعان باعدارلاما، جانە زاعيپ قولدانۋشىلارعا كومەكتەسەتىن ارنايى باعدارلامامەن بىرگە ءار داناسىن 703 450 تەڭگەگە العان. جالپى قۇنى 215 255 700 تەڭگە بولعان بۇل 306 نوۋتبۋكتاردىڭ تەحنيكالىق سيپاتاماسىن زەردەلەۋ ارقىلى نارىقتاعى باعاسىن انىقتادىق.
تەحنيكالىق سيپاتتاماسىندا كورسەتىلگەن «ەكران 15,6 ديۋيم كەم ەمەس، پروتسەسسور 2-ح يادرودان كەم ەمەس، جەدەل جاد 2 Gb, قاتقىل ديسك HDD 500 Gb كەم ەمەس، سىمسىز بايلانىس WiFi, 2-دەن كەم ەمەس USB جالعاعىشتارى» ەرەكشەلىككە ساي كەلەر ناۋتبۋكتى تابا المادىق. بىراق بارلىق جاعىنان ساي كەلەتىن، تەك جەدەل جادى 2 Gb ەمەس، ودان ەكى ەسە مىقتى، ياعني 4 Gb تەحنيكانى تاپتىق. باعاسى قوسىمشا قۇن سالىعىمەن قوسا ەسەپتەگەندە 151 551 تەڭگە https://itmag.kz/catalog/noutbuki/12413-noutbuk-acer-a315-34-nx-he3er-003/ . بەلگەلى ماركەتپلەيستەردە Windows Pro وپەراتسيالىق جۇيەسى 90 200 تەڭگە، Microsoft Office 2016 Home and Business 72 500 تەڭگە، «دىبىس سينتيزاتورى» باعدارلاماسىنىڭ قۇنى 41 700 تەڭگە. ءار نوۋتبۋككە اتالمىش باعدارلامالاردى ورناتۋ قىزمەتىنىڭ تۇركىستانداعى قۇنى 2000 تەڭگە. تاسىمالداۋعا جانە باسقا دا مايدا شىعىنداردى قوسا ەسەپتەگەندە ءار نوۋتبۋككە 5000 تەڭگە دەپ ەسەپتەيىك.
قاراپايىم ماتەماتيكالىق ەسەپتەۋمەن: 151 551 تگ + 90 200 تگ + 72 500 تگ + 41 700 تگ + 2000 تگ + 5000 تگ = 362 951 تەڭگە. ياعني تۇركىستان وبلىسى جۇمىسپەن قامتۋدى ۇيلەستىرۋ جانە الەۋمەتتىك باعدارلامالارى جونىندەگى باسقارماسى تاراپىنان ساتىپ الىنعان نوۋتبۋكتاردىڭ نارىقتاعى قۇنى 703 450 تەڭگە ەمەس، 362 951 تەڭگە. ال 306 نوۋتبۋكتىڭ قۇنى 215 255 700 تەڭگە ەمەس، 111 063 006 تەڭگە بولۋ كەرەك. مەملەكەتتىك ورگاننىڭ شىعىنى مەن نارىقتاعى باعا كورسەتكىشتەرىنىڭ ايىرماشىلىعى 104 192 694 تەڭگە. ارينە، ءبىز ناقتى قانداي تەحنيكا جانە قانداي باعدارلامالاردى العانىن بىلمەگەندىكتەن ناقتى شىعىنداردى دا ايتا المايمىز. بىراق قۇجاتتاردا كورسەتىلگەن تەحنيكالىق سيپاتتامالارعا قاراي وتىرىپ، نارىقتاعى باعالاردى ەسەپتەگەندە 104 192 694 تەڭگە شىعىپ وتىر.
مۇنى «جەمقورلىق» دەپ اتاي الامىز با؟ بۇل سۇراققا ارنايى ورگاندار جاۋاپ بەرە جاتار. بىراق مەملەكەتتىك قارجىنى ءتيىمسىز يگەرگەنى ايدان انىق. انىقتالعان فاكتتەرگە قاتىستى «ادىلدىك جولى» رقب تۇركىستان قالاسى فيليالى ارنايى ورگاندارعا حات جولدادى. الداعى ۋاقىتتا بۇل ماسەلەگە قاتىستى جانە باسقا دا مونيتورينگ قورىتىندىلارىمەن سىزدەرمەن بولىسەتىن بولامىز.
«ادىلدىك جولى» رقب تۇركىستان ق. فيليال جەتەكشىسى
امانگەلدى قالىبەك
