Kez-kelgen órkenıetti qoǵamda múmkindigi shekteýli azamattarǵa kómek berý adamgershiliktiń kórsetkishi, munymen daýlasa almaımyz. Biraq ókinishke oraı, múmkindigi shekteýli azamattardyń jaǵdaıyn paıdalanyp, jeke múddesinde qoldanyp júrgender de joq emes.
QR «Sybaılas jemqorlyqqa qarsy is-qımyl týraly» zańy aıasynda qoǵamdyq indetpen kúreste azamattar men qoǵamdyq birlestikterdiń qatysýy qamtamassyz etilgen. Sybaılas jemqorlyqpen kúrestiń tıimdiligin arttyrý, paraqorlyqqa ıtermeleıtin alǵysharttardyń aldyn alý, adal eńbek jáne ádildikti qamtamassyz etý maqsatynda qurylǵan «Ádildik joly» qoǵamdyq birlestiginiń Túrkistan qalalyq fılıalynyń goszakup.gov.kz portalyn baqylaý barysynda memlekettik qarjyny tıimsiz ıgergen memlekettik organdar jıi kezdesip jatady. Kezekti monıtorıng barysynda anyqtalǵandaı, 2019 jyly 19 sáýirde Túrkistan oblysy jumyspen qamtýdy úılestirý jáne áleýmettik baǵdarlamalary jónindegi basqarmasy men «Kógershin» múgedekter qoǵamdyq birlestigi arasynda zaǵıptarǵa arnalǵan arnaıy tehnıkany satyp alýǵa qatysty kelisim-shart jasalǵan https://goszakup.gov.kz/ru/egzcontract/cpublic/show/7774296.
Atalmysh kelisim-shart negizinde «orta synyp» dep kórsetilgen 306 noýtbýk, operaııalyq júıe, teksttik redakııaǵa arnalǵan baǵdarlama, jáne zaǵıp qoldanýshylarǵa kómektesetin arnaıy baǵdarlamamen birge ár danasyn 703 450 teńgege alǵan. Jalpy quny 215 255 700 teńge bolǵan bul 306 noýtbýktardyń tehnıkalyq sıpatamasyn zerdeleý arqyly naryqtaǵy baǵasyn anyqtadyq.
Tehnıkalyq sıpattamasynda kórsetilgen «Ekran 15,6 dıýım kem emes, Proessor 2-h ıadrodan kem emes, jedel jad 2 Gb, qatqyl dısk HDD 500 Gb kem emes, symsyz baılanys WiFi, 2-den kem emes USB jalǵaǵyshtary» erekshelikke saı keler naýtbýkty taba almadyq. Biraq barlyq jaǵynan saı keletin, tek jedel jady 2 Gb emes, odan eki ese myqty, ıaǵnı 4 Gb tehnıkany taptyq. Baǵasy qosymsha qun salyǵymen qosa eseptegende 151 551 teńge https://itmag.kz/catalog/noutbuki/12413-noutbuk-acer-a315-34-nx-he3er-003/ . Belgeli marketpleısterde Windows Pro operaııalyq júıesi 90 200 teńge, Microsoft Office 2016 Home and Business 72 500 teńge, «dybys sıntızatory» baǵdarlamasynyń quny 41 700 teńge. Ár noýtbýkke atalmysh baǵdarlamalardy ornatý qyzmetiniń Túrkistandaǵy quny 2000 teńge. Tasymaldaýǵa jáne basqa da maıda shyǵyndardy qosa eseptegende ár noýtbýkke 5000 teńge dep esepteıik.
Qarapaıym matematıkalyq esepteýmen: 151 551 tg + 90 200 tg + 72 500 tg + 41 700 tg + 2000 tg + 5000 tg = 362 951 teńge. Iaǵnı Túrkistan oblysy jumyspen qamtýdy úılestirý jáne áleýmettik baǵdarlamalary jónindegi basqarmasy tarapynan satyp alynǵan noýtbýktardyń naryqtaǵy quny 703 450 teńge emes, 362 951 teńge. Al 306 noýtbýktyń quny 215 255 700 teńge emes, 111 063 006 teńge bolý kerek. Memlekettik organnyń shyǵyny men naryqtaǵy baǵa kórsetkishteriniń aıyrmashylyǵy 104 192 694 teńge. Árıne, biz naqty qandaı tehnıka jáne qandaı baǵdarlamalardy alǵanyn bilmegendikten naqty shyǵyndardy da aıta almaımyz. Biraq qujattarda kórsetilgen tehnıkalyq sıpattamalarǵa qaraı otyryp, naryqtaǵy baǵalardy eseptegende 104 192 694 teńge shyǵyp otyr.
Muny «jemqorlyq» dep ataı alamyz ba? Bul suraqqa arnaıy organdar jaýap bere jatar. Biraq memlekettik qarjyny tıimsiz ıgergeni aıdan anyq. Anyqtalǵan faktterge qatysty «Ádildik joly» RQB Túrkistan qalasy fılıaly arnaıy organdarǵa hat joldady. Aldaǵy ýaqytta bul máselege qatysty jáne basqa da monıtorıng qorytyndylarymen sizdermen bólisetin bolamyz.
«Ádildik joly» RQB Túrkistan q. Fılıal jetekshisi
Amangeldi Qalybek
