پالاتا ۆيتسە-سپيكەرى پاۆەل كازانتسەۆ ۇسىنعان ءماجىلىس توراعاسىنىڭ كانديداتۋراسىن دەپۋتاتتار ءبىراۋىزدان قولدادى، دەپ جازادى "ادىرنا" سايتى.
جيىندا «نۇر وتان» پارتياسىنىڭ ماجىلىستەگى فراكتسياسىنىڭ جەتەكشىسى بولىپ ەرلان قوشانوۆ سايلاندى. پالاتا ۆيتسە-سپيكەرى پاۆەل كازانتسەۆ ۇسىنعان ءماجىلىس توراعاسىنىڭ كانديداتۋراسىن دەپۋتاتتار ءبىراۋىزدان قولدادى. فراكتسيا باسشىسى ەرلان قوشانوۆ دەپۋتاتتارعا قولداۋ ءبىلدىرىپ، سەنىم ارتقانى ءۇشىن العىس ايتا وتىرىپ، ەل پرەزيدەنتى، پارتيا توراعاسى قاسىم-جومارت كەمەلۇلى العا قويعان مىندەتتەردى جۇزەگە اسىرۋ اياسىندا فراكتسيا جۇمىسىن قايتا باستاۋدىڭ باسىم باعىتتارىن اتاپ ءوتتى.
ەرلان قوشانوۆ ءوز سوزىندە فراكتسيانىڭ پرەزيدەنتتىك رەفورمالار باعىتىن جۇزەگە اسىرۋدا پارتيا قىزمەتىنىڭ تيىمدىلىگىن ارتتىرۋعا تولىق ۇلەس قوسا وتىرىپ، «نۇر وتاندى» وزگەرتۋگە بەلسەندى اتسالىسۋى كەرەكتىگىن باسا ايتتى. بايانداماشى پرايمەريزدەن وتكەن، قوعامداعى بەدەلى زور، كاسىبي جانە ومىرلىك تاجىريبەسى مول دەپۋتاتتار ازاماتتاردىڭ ءوتىنىش-تىلەكتەرىنىڭ ءمان-ماعىناسىنا ءۇڭىلىپ، كەڭ اۋقىمدى سۇحباتقا كىرىسۋى كەرەكتىگىن باسا ايتتى.
ءماجىلىس توراعاسى فراكتسيا الدىندا تۇرعان جاڭا مىندەتتەردى ەسكەرە وتىرىپ، زاڭ جوبالاۋ قىزمەتىنىڭ ساپاسىن ارتتىرۋدى، دەپۋتاتتىق ساۋالداردىڭ وزەكتىلىگىن ارتتىرۋدى، پارتيانىڭ ورتالىق اپپاراتىمەن تالداۋ جانە وڭىرلەردەگى جۇمىس بويىنشا ءوزارا ءىس-قيمىلدى كۇشەيتۋدى تاپسىردى.
فراكتسيا دەپۋتاتتارى اقپاراتتىق جۇمىسقا، ونىڭ ىشىندە الەۋمەتتىك جەلىلەرگە دە باسا نازار اۋدارۋى كەرەك. ءماجىلىس سپيكەرى اعىمداعى جىلدىڭ اقپان ايىندا دەپۋتاتتاردىڭ وڭىرلەرگە كەتۋىنە بايلانىستى فراكتسيا مۇشەلەرىنە بىرقاتار تاپسىرمالار جۇكتەدى. الداعى جۇمىستاردىڭ ماڭىزدىلىعىن اتاپ وتكەن ءماجىلىس توراعاسى تۇرعىندارمەن كەزدەسۋلەر تىكەلەي ەفيردە ازاماتتاردىڭ ناقتى ماسەلەلەرىن جەرگىلىكتى جەردە تالقىلاۋ ارقىلى ءوتۋ كەرەكتىگىن ەسكە سالدى.
حالىقتىڭ ءارتۇرلى ساناتتارىمەن، سونىڭ ىشىندە شالعاي اۋىلدارداعىلارمەن كەزدەسۋ قاجەت. جاستارعا مەملەكەت تاراپىنان جاسالىپ جاتقان مۇمكىندىكتەردى ءتۇسىندىرىپ، ولارعا ەرەكشە كوڭىل ءبولۋ كەرەك.
سونداي-اق ءىسساپارلار بارىسىندا قوعامدىق كەڭەس مۇشەلەرىمەن كەزدەسۋلەر وتكىزۋ، پارتيانىڭ قوعامدىق قابىلداۋ بولمەلەرىندە ازاماتتاردى قابىلداۋ قاجەت. وتىرىس بارىسىندا جاڭا مىندەتتەردى ەسكەرە وتىرىپ، ماجىلىسمەندەر فراكتسيانىڭ ساپالىق قۇرامىنا وزگەرىستەر ەنگىزدى.
سونىمەن، ءماجىلىس دەپۋتاتى ەرلان سايروۆ فراكتسيا توراعاسىنىڭ ورىنباسارى جانە پرەزيديۋم مۇشەسى بولىپ، ال ءماجىلىس دەپۋتاتتارى ەلنۇر بەيسەنباەۆ پەن ەكاتەرينا سمىشلياەۆا فراكتسيا تورالقاسىنىڭ مۇشەسى بولىپ سايلاندى. فراكتسيا وتىرىسىنا «نۇر وتان» پارتياسىنىڭ جاۋاپتى حاتشىسى اسحات ورالوۆ تا قاتىستى.
"ادىرنا" ۇلتتىق پورتالى
