Palata vıe-spıkeri Pavel Kazanev usynǵan Májilis tóraǵasynyń kandıdatýrasyn depýtattar biraýyzdan qoldady, dep jazady "Adyrna" saıty.
Jıynda «Nur Otan» partııasynyń Májilistegi frakııasynyń jetekshisi bolyp Erlan Qoshanov saılandy. Palata vıe-spıkeri Pavel Kazanev usynǵan Májilis tóraǵasynyń kandıdatýrasyn depýtattar biraýyzdan qoldady. Frakııa basshysy Erlan Qoshanov depýtattarǵa qoldaý bildirip, senim artqany úshin alǵys aıta otyryp, el Prezıdenti, partııa Tóraǵasy Qasym-Jomart Kemeluly alǵa qoıǵan mindetterdi júzege asyrý aıasynda frakııa jumysyn qaıta bastaýdyń basym baǵyttaryn atap ótti.
Erlan Qoshanov óz sózinde frakııanyń prezıdenttik reformalar baǵytyn júzege asyrýda partııa qyzmetiniń tıimdiligin arttyrýǵa tolyq úles qosa otyryp, «Nur Otandy» ózgertýge belsendi atsalysýy kerektigin basa aıtty. Baıandamashy praımerızden ótken, qoǵamdaǵy bedeli zor, kásibı jáne ómirlik tájirıbesi mol depýtattar azamattardyń ótinish-tilekteriniń mán-maǵynasyna úńilip, keń aýqymdy suhbatqa kirisýi kerektigin basa aıtty.
Májilis Tóraǵasy frakııa aldynda turǵan jańa mindetterdi eskere otyryp, zań jobalaý qyzmetiniń sapasyn arttyrýdy, depýtattyq saýaldardyń ózektiligin arttyrýdy, partııanyń Ortalyq apparatymen taldaý jáne óńirlerdegi jumys boıynsha ózara is-qımyldy kúsheıtýdi tapsyrdy.
Frakııa depýtattary aqparattyq jumysqa, onyń ishinde áleýmettik jelilerge de basa nazar aýdarýy kerek. Májilis spıkeri aǵymdaǵy jyldyń aqpan aıynda depýtattardyń óńirlerge ketýine baılanysty frakııa múshelerine birqatar tapsyrmalar júktedi. Aldaǵy jumystardyń mańyzdylyǵyn atap ótken Májilis Tóraǵasy turǵyndarmen kezdesýler tikeleı efırde azamattardyń naqty máselelerin jergilikti jerde talqylaý arqyly ótý kerektigin eske saldy.
Halyqtyń ártúrli sanattarymen, sonyń ishinde shalǵaı aýyldardaǵylarmen kezdesý qajet. Jastarǵa memleket tarapynan jasalyp jatqan múmkindikterdi túsindirip, olarǵa erekshe kóńil bólý kerek.
Sondaı-aq issaparlar barysynda qoǵamdyq keńes múshelerimen kezdesýler ótkizý, partııanyń qoǵamdyq qabyldaý bólmelerinde azamattardy qabyldaý qajet. Otyrys barysynda jańa mindetterdi eskere otyryp, májilismender frakııanyń sapalyq quramyna ózgerister engizdi.
Sonymen, Májilis depýtaty Erlan Saırov frakııa tóraǵasynyń orynbasary jáne prezıdıým múshesi bolyp, al Májilis depýtattary Elnur Beısenbaev pen Ekaterına Smyshlıaeva frakııa tóralqasynyń múshesi bolyp saılandy. Frakııa otyrysyna «Nur Otan» partııasynyń jaýapty hatshysy Ashat Oralov ta qatysty.
"Adyrna" ulttyq portaly
