الماتى اكىمى دوساەۆ فەمينيستەردىڭ شەرۋگە شىعۋىنا رۇقسات بەردى

9114
Adyrna.kz Telegram
بيىل 8 ناۋرىزدا الماتىدا فەمشەرۋ وتەدى. بۇل تۋرالى اكىمدىكتىڭ رۇقساتىن العان ونىڭ ۇيىمداستىرۋشىلارى مالىمدەدى. بۇعان دەيىن بۇرىنعى اكىم ساعىنتاەۆ فەمينيستەرگە بۇل اكتسيانى وتكىزۋگە تىيىم سالعان بولاتىن، دەپ حابارلايدى "ادىرنا" ۇلتتىق پورتالى ulysmedia.kz-كە سىلتەمە جاساپ.

7 اقپاندا الماتى فەمينيست بەلسەندىلەرى 8 ناۋرىزدا ايەلدەردىڭ فەمينيستىك مارشىن وتكىزۋگە قايتا سۇرانىس جاسادى. بۇل جولى سۇرانىستى جانار سەكەرباەۆا مەن ميرا ۋنگاروۆا وتكىزدى.

8 ناۋرىز مارشىن ۇيىمداستىرۋشى قۇرامىندا فاريزا وسپان، لەيلا زۋلەيحا ماحمۋدوۆا، تاتيانا چەرنوبيل، ميرا ۋنگاروۆا، گۇلزادا سەرجان مەن جانار سەكەرباەۆا (قازاقستاندىق فەمينيست باستاما “فەمينيتا”), ەلەنا يۆانوۆا (“FemPoint”), جاميليا قاسىمحان مەن ارينا وسينوۆسكايا (“كازفەم”) بار. اقپاننىڭ 9-ى كۇنى ولار الماتى اكىمدىگىنەن جاۋاپ الىپ، وندا شەرۋ وتكىزۋ تۋرالى كەلىسىمگە كەلدى. بۇل تۋرالى Feminita.kz قوزعالىسىنىڭ مۇشەلەرى Instagram جەلىسىندەگى پاراقشادا جاريالادى.

«بيىل مارش تاقىرىبى ايەلدەردىڭ مەملەكەت باسقارۋ ىسىنە قاتىسۋى بولادى. 1990 ج بەرى قازاقستان ايەلدەردىڭ مەملەكەت باسقارۋ ىسىنە قاتىسۋ دەڭگەيىن ء(ماسليحاتتار، اكىمشىلىكتەر، مينيستىرلىكتەر، ءماجىلىس، سەنات جانە باسقا دا مەملەكەت باسقارۋ ينستيتۋتتاردا) 30 پايىزعا جەتكىزە الماي كەلە جاتقانى بەلگىلى. بۇل جاعداي تەك قانا ايەل قۇقىعىن قورعاۋشىلار مەن كريزيستىك ورتالىق باسشىلارى كەڭىنەن تالقىلاپ جۇرگەن گەندەرلىك زورلىق-زومبىلىق ماسەلەسىن عانا تۋعىزىپ قويمايدى، سونىمەن قاتار كوپبالالى انالار، ايەلدەردىڭ اۋىر ەكونوميكالىق جاعدايى، ساياسي قۋعىن كورگەن ايەل، جالعىزباستى ايەل، ايتۆ بار ايەل، ناركوتيك قولدانۋشى ايەل جانە باسقا دا كوپتەگەن ايەلدەردىڭ وسى زاماندا باسىنا تۇسكەن اۋىر ماسەلەلەرىن تۋعىزىپ وتىر»، - دەلىنگەن حابارلامادا.

فەمينيستىك شەرۋ تۋرالى حابارلاما 2021 جىلدىڭ قاراشا ايىنىڭ سوڭىندا جىبەرىلگەن. بۇدان كەيىن اكىم ساعىنتاەۆ شەرۋ ۇيىمداستىرۋشىلارى بەلگىلەگەن ۋاقىتتا جوسپارلانعان شاراعا سىلتەمە جاساپ، بەيبىت نارازىلىق اكتسياسىنا تىيىم سالعان بولاتىن.

"ادىرنا" ۇلتتىق پورتالى

پىكىرلەر