7 aqpanda Almaty femınıst belsendileri 8 naýryzda Áıelderdiń femınıstik marshyn ótkizýge qaıta suranys jasady. Bul joly suranysty Janar Sekerbaeva men Mıra Ýngarova ótkizdi.
8 Naýryz marshyn uıymdastyrýshy quramynda Farıza Ospan, Leıla Zýleıha Mahmýdova, Tatıana Chernobıl, Mıra Ýngarova, Gúlzada Serjan men Janar Sekerbaeva (Qazaqstandyq femınıst bastama “Femınıta”), Elena Ivanova (“FemPoint”), Jamılıa Qasymhan men Arına Osınovskaıa (“KazFem”) bar. Aqpannyń 9-y kúni olar Almaty ákimdiginen jaýap alyp, onda sherý ótkizý týraly kelisimge keldi. Bul týraly Feminita.kz qozǵalysynyń músheleri Instagram jelisindegi paraqshada jarııalady.
«Bıyl marsh taqyryby áıelderdiń memleket basqarý isine qatysýy bolady. 1990 j beri Qazaqstan áıelderdiń memleket basqarý isine qatysý deńgeıin (máslıhattar, ákimshilikter, mınıstirlikter, májilis, senat jáne basqa da memleket basqarý ınstıtýttarda) 30 paıyzǵa jetkize almaı kele jatqany belgili. Bul jaǵdaı tek qana áıel quqyǵyn qorǵaýshylar men krızıstik ortalyq basshylary keńinen talqylap júrgen genderlik zorlyq-zombylyq máselesin ǵana týǵyzyp qoımaıdy, sonymen qatar kópbalaly analar, áıelderdiń aýyr ekonomıkalyq jaǵdaıy, saıası qýǵyn kórgen áıel, jalǵyzbasty áıel, AITV bar áıel, narkotık qoldanýshy áıel jáne basqa da kóptegen áıelderdiń osy zamanda basyna túsken aýyr máselelerin týǵyzyp otyr», - delingen habarlamada.
Femınıstik sherý týraly habarlama 2021 jyldyń qarasha aıynyń sońynda jiberilgen. Budan keıin ákim Saǵyntaev sherý uıymdastyrýshylary belgilegen ýaqytta josparlanǵan sharaǵa silteme jasap, beıbit narazylyq akııasyna tyıym salǵan bolatyn.
"Adyrna" ulttyq portaly