بۇگىن قالا اكىمىنىڭ ورىنباسارى م.ايمانبەتوۆ قايناربۇلاق تۇرعىن الابىنىڭ حالقىمەن كەزدەسىپ، ماسەلەلەرىن تىڭدادى. مۇنداعى تۇرعىنداردى اۋىز سۋ، گاز، ەلەكتر جارىعى ماسەلەسى تولعاندىرادى.
8 مىڭنان اسا تۇرعىنى بار تۇرعىن الاپ جەكەمەنشىك ەلەكتر جارىعى جانە اۋىز سۋمەن قامتىلعان. كوشەلەرىنىڭ ۇشتەن بىرىنە اسفالت توسەلگەن. #149 جانە 2 اۆتوبۋس قاتىنايدى. ازاماتتار مال شارۋاشىلىعىمەن، جىلىجاي وسىرۋمەن دە اينالىسادى. ينتەرنەتپەن قامتۋ ءۇشىن «كسەلل» كومپانياسىنىڭ بازالىق ستانتسياسى ورناتىلدى. جەكە ينۆەستور تاراپىنان وپتيكالىق تالشىق جەلىسىن وتكىزۋ قاراستىرىلۋدا. وسى جىلدىڭ اياعىنا قاراي اياقتاۋ كوزدەلگەن.
م.ايمانبەتوۆ اۋماقتى ەلەكترمەن قامتۋ ماقساتىندا قۇرىلىس جۇمىستارى باستالعانىن، جىل سوڭىنا دەيىن تۇرعىندارعا ەلەكتر جارىعى بەرىلەتىنىن ايتتى. ال، اۋىز سۋ مەن تابيعي گاز جۇرگىزۋ نىسانىنىڭ قۇرىلىستارى بيىل باستالىپ، كەلەسى جىلى تولىعىمەن پايدالانۋعا بەرىلەدى.
جاڭاقۇرىلىس اۋماعىندا قۇرىلىس جۇمىستارى اياقتالسا، جولدار اسفالتتالماق. «ءابىلدا بولەشوۆ» كوشەسىنىڭ جالعاسىن تاسكەشۋ ەلدىمەكەنىنە قاراي جارىقتاندىرۋ جوسپارلانىپ جاتقانىن ءتۇسىندىردى.
مەكتەپ تاپشىلىعىن كوتەرگەن جۇرتشىلىققا جەردىڭ قۇجاتتارىن زاڭداستىرىلىپ جاتقانى ايتىلدى. قايناربۇلاق كولى بويىندا ابباتتاندىرۋ جانە دەمالىس ورنىن اشۋ ينۆەستور ەسەبىنەن قولعا الىنادى.
قالا اكىمىنىڭ ورىنباسارى اۋدان اكىمدىگىنە اتقارىلاتىن جۇمىستار بارىسىن تۇرعىنداردى ۇنەمى اقپاراتتاندىرىپ تۇرۋدى تاپسىردى.
شىمكەنت قالاسى اكىمدىگىنىڭ ءباسپاسوز قىزمەتى
