شىمكەنت قالاسىنىڭ اكىمى مۇرات ايتەنوۆ ورتالىق قىرعى بازارعا بارىپ، ونداعى ساۋداگەرلەردىڭ تىنىس-تىرشىلىگىمەن تانىستى. ازاماتتارمەن سويلەسىپ، ماسەلەلەرىن تىڭدادى. سونىمەن بىرگە، بازار سىرتىنداعى رۇقسات ەتىلمەگەن ورىنداردا ساۋدا جاساۋشى ازاماتتارمەن تىلدەستى. بۇدان الدىن قالا اكىمى ولاردى قالا اكىمشىلىگىندە قابىلداپ، رەتسىز ساۋدانىڭ زاڭ بويىنشا جاۋاپكەرشىلىگىن ءتۇسىندىرىپ بىرنەشە ۇسىنىستار ايتقان بولاتىن.
بازار سىرتىندا شامامەن 100-گە جۋىق ادام جەمىس-جيدەك، كيىم-كەشەك، ەت، شۇجىق، نان ونىمدەرى مەن ءسۇت-ايران ساتىپ، ساۋدا جاساۋدا. تۇراقتى تۇردە ساۋدا جاساۋشى 50-60 ادام، قالعانى باسقا اۋدانداردان كەلىپ ءۇي ونىمدەرىن ساتىپ كەتەدى. بۇل زاڭ جانە سانيتارلىق تالاپتاردىڭ بۇزىلۋىنا الىپ كەلۋدە. رەتسىز ساۋدا ورىندارىن رەتتەۋ ماقساتىندا ءال-فارابي اۋدانى اكىمى اپپاراتىنىڭ ماماندارى مەن جەرگىلىكتى پوليتسيا وكىلدەرى بىرلەسىپ كۇندەلىكتى رەيدتىك ءىس-شارالاردى جۇزەگە اسىرادى. وسى جىلدىڭ باسىنان بۇگىنگى كۇنگە دەيىن قر اقبتك-ءنىڭ 204 بابىنا سايكەس، 89 اكىمشىلىك حاتتاما تولتىرىلدى. ونىڭ ىشىندە: 81 ەسكەرتۋ بەرىلىپ، 8 ىسكە ايىپپۇل سالىنعان.
جايما ساۋدامەن اينالىسۋشىلارعا قالا اكىمىنىڭ تاپسىرماسى بويىنشا بازار ىشىنەن الەۋمەتتىك ورىن ۇسىنىلدى. قالا اكىمى ءاربىر ماسەلەنىڭ تەك زاڭ اياسىندا شەشىلۋىن قاداعالاۋدا. رەتسىز ساۋدامەن كۇرەس جۇمىستارى جالعاسا بەرمەك.
شىمكەنت قالاسى اكىمدىگىنىڭ ءباسپاسوز قىزمەتى
