قازاقستاننىڭ تۇڭعىش پرەزيدەنتى نۇرسۇلتان نازارباەۆتىڭ قىزى داريعا نازارباەۆانىڭ ءماجىلىس دەپۋتاتتىعىنان دەرەۋ وتستاۆكاعا كەتۋىن تالاپ ەتكەن پەتيتسيا جاريالاندى.
«قازاقستاننىڭ تۇڭعىش پرەزيدەنتىنىڭ ۇلكەن قىزى داريعا نازارباەۆانىڭ وتستاۆكاعا كەتۋى مۇمكىن دەگەن ماسەلە كوپتەن بەرى كۇن تارتىبىندە تۇرعان، بىراق نازارباەۆا ورتالىق سايلاۋ كوميسسياسىنا رەسمي ءوتىنىش بەرگەن جوق. كومەكشىسىنىڭ ايتۋىنشا، ول كوروناۆيرۋسپەن اۋىرعاننان كەيىن ەڭبەك دەمالىسىندا. كەيبىر اقپارات كوزدەرى ونىڭ دۋبايدا ەكەنىن ايتتى. داريعا نازارباەۆانىڭ وتستاۆكاعا كەتۋىن تالاپ ەتەمىز!» - دەلىنگەن جۇمادا جاريالانعان پەتيتسيادا.
نازارباەۆا قاڭتارداعى قايعىلى نارازىلىقتار باستالعاننان بەرى ماجىلىسكە كەلمەدى. رەسمي نۇسقا بويىنشا، ول كوروناۆيرۋس جۇقتىرعان. 10 اقپاندا ءماجىلىس دەپۋتاتى ايدوس سارىم وعان سەنىمسىزدىك ءبىلدىرىپ، تۇڭعىش پرەزيدەنتتىڭ قىزى وتستاۆكاعا كەتۋى كەرەك دەدى.
"ادىرنا" ۇلتتىق پورتالى
