استانا قالاسى اكىمدىگىنىڭ مەملەكەتتىك اكادەميالىق فيلارمونياسىنىڭ ۇيىمداستىرۋىمەن ەلباسىنىڭ «بولاشاققا باعدار – «رۋحاني جاڭعىرۋ» باعدارلاماسى اياسىندا 1-5 ءساۋىر ارالىعىندا ەلوردادا قابىليسا اتىنداعى «جىر اتاسى – قابان جىراۋ» اتتى I رەسپۋبليكالىق جىرشىلار بايقاۋى ءوتتى، دەپ حابارلايدى Baq.kz اقپارات اگەنتتىگى.
«ۇلى دالا توسىندە قابىليسا سىندى ادۋىندى جىر اتاسى وتكەن. ول ءارى اقىن، ءارى اۋليە، ءارى جىراۋ بولعان. الىپ ونەر يەسى نەبارى ون بەس جاسىندا اقىندىعىمەن ەلگە تانىلىپ، ايتىس الامانىنا تۇسكەن. قابىليسا بابامىزدى ءسۇيىنباي ارونۇلى، باقتىباي جولبارىسۇلى قاتارلى سۇبەلى ءسوزدىڭ تەرەڭىنە، جاقۇت جىردىڭ تۇڭعيىعىنا بويلاعان اقىندار قاۋىمى، ۇستاز تۇتقان» - دەيدى ۇيىمداستىرۋشىلار.
قابىليسا (قابان) جىراۋدىڭ ارتىندا «ازىراق ءسوز سويلەيىن، اۋىزعا الىپ»، «بارىڭداعى تىڭداڭدار»، «اي مۇسىلماندار جاراڭدار»، «ىرىس الدى ىنتىماق»، «ويلاپ تۇرساق جىگىتتەر» ت. ب. جىرى قالعان. ايگىلى جىراۋدىڭ جىرلارىن جىلدار جىرلايدى... تاريح تولعايدى... ۋاقىت ۇمىتپايدى... ءتول ونەرىمىزدىڭ تامىرىنان قۋات الىپ قاستەرلەگەن بابامىزدىڭ باي مۇراسىن ناسيحاتتاۋ – امانات.
وسىعان وراي قر تۇڭعىش پرەزيدەنتى، ەلباسى نۇرسۇلتان ءابىشۇلىنىڭ «بولاشاققا باعدار – رۋحاني جاڭعىرۋ» باعدارلاماسى اياسىندا 1-5 ءساۋىر ارالىعىندا استانادا قابىليسا اتىنداعى «جىر اتاسى – قابان جىراۋ» اتتى I رەسپۋبليكالىق جىرشىلار بايقاۋى ءوتتى.
ونىڭ نەگىزگى ماقساتى دا سول - ۇلتتىق ونەرىمىزدىڭ ۇلى جىرشىسىن ۇلىقتاۋ، قازاق جىرشىلارىنىڭ مارتەبەسىن ارتتىرۋ.
بايقاۋ ءۇش كەزەڭنەن تۇرادى.
ەسكەرتۋ!
Baq.kz سايتىندا جاريالانعان اۆتورلىق ماتەريالداردىڭ بارلىق قۇقىقتارى قورعالعان جانە اقپارات اگەنتتىگىنىڭ مەنشىگى بولىپ تابىلادى. كوشىرىپ باسۋ رەداكتسيانىڭ رۇقساتىمەن جۇزەگە اسادى. ماتەريالدى كوشىرىپ باسۋ كەزىندە Baq.kz سايتىنا توتە سىلتەمە كورسەتۋ تالاپ ەتىلەدى.
BAQ.KZ
