الماتى، الماتى جانە قىزىلوردا وبلىستارى ۇقكد لاۋازىمدى تۇلعالارى ەش ارەكەت ەتپەدى. بۇل تۋرالى ارنايى پروكۋرورلار قىزمەتىنىڭ باستىعى ريزابەك وجاروۆ مالىمدەدى، دەپ حابارلايدى "ادىرنا" ۇلتتىق پورتالى tengrinews.kz-كە سىلتەمە جاساپ.
"الماتى، الماتى جانە قىزىلوردا وبلىستارى ۇقكد لاۋازىمدى تۇلعالارى ەش ارەكەت ەتپەدى. قۇقىق قورعاۋ ورگاندارىنىڭ كەيبىر باسشىلارى قۇقىقتىق ءتارتىپتى قامتاماسىز ەتۋگە ارنالعان ارنايى بولىمشەلەردىڭ ءىس-ارەكەتتەرىن ادەيى بۇعاتتادى دەگەن نۇسقانى قاراستىرىپ جاتىرمىز", - دەدى وجاروۆ وكق بريفينگىندە.
بۇل دەرەكتەر بويىنشا ارنايى پروكۋرورلار سوتقا دەيىنگى تەرگەۋ جۇرگىزىپ جاتىر.
"سونىمەن بىرگە، ۇلتتىق قاۋىپسىزدىك كوميتەتى مەملەكەتكە وپاسىزدىق جاساۋ جانە بيلىكتى كۇشپەن باسىپ الۋ ارەكەتى تۋرالى قىلمىستىق ىستەردى تەرگەپ جاتىر. بۇگىندە ۇقك-ءنىڭ بۇرىنعى توراعاسى مەن ونىڭ ەكى ورىنباسارى قاماۋعا الىندى. بيلىكتى اسىرا پايدالاندى دەگەن كۇدىكپەن ۇقك "ا" ارنايى ماقساتتاعى قىزمەتى ديرەكتورىنىڭ ءبىرىنشى ورىنباسارى جانە وسى قىزمەت ورتالىعىنىڭ باستىعى ۇستالدى. قىلمىستىق ىسكە "وتە قۇپيا" بەلگىسى بەرىلگەن، سوندىقتان ۇلتتىق قاۋىپسىزدىك مۇددەسىندە تەرگەۋدىڭ ءمان-جايىن اشۋعا بولمايدى", - دەپ تولىقتىردى ارنايى پروكۋرورلار قىزمەتىنىڭ باستىعى.
"ادىرنا" ۇلتتىق پورتالى
