الماتى پروكۋراتۋراسى بەلسەندىنىڭ الماتى اۋەجايىنا كەلگەن سوڭ قاماۋعا الىنۋ سەبەبىن ءتۇسىندىردى، دەپ حابارلايدى "ادىرنا" ۇلتتىق پورتالى orda.kz-كە سىلتەمە جاساپ.
بۇگىن تاڭەرتەڭ الماتى اۋەجايىندا ۇستالىپ، تەرگەۋ يزولياتورىنا جەتكىزىلگەن وپپوزيتسيا بەلسەندىسى ەرمەك نارىمباەۆ بۇعان دەيىن شىعارىلعان سوت ۇكىمىن ورىنداۋ ءۇشىن قاماۋعا الىنعان. بۇل تۋرالى قالالىق پروكۋراتۋرا حابارلادى.
«الماتى قالاسىنىڭ پروكۋراتۋراسى 1970 جىلى تۋعان ە.ە.نارىمباەۆتى كيەۆ قالاسىنان كەلگەننەن كەيىن الماتى حالىقارالىق اۋەجايىندا كولىكتەگى پد قىزمەتكەرلەرى ۇستاعانىن حابارلايدى. ول بۇعان دەيىن ىزدەۋدە بولدى. سوت ۇكىمى ە.ە. نارىمباەۆ قازاقستان رەسپۋبليكاسى قىلمىستىق كودەكسىنىڭ 174-بابى «الەۋمەتتىك، ۇلتتىق، رۋلىق، ناسىلدىك، تاپتىق نەمەسە ءدىني ارازدىقتى قوزدىرۋ» بويىنشا باس بوستاندىعىنان ايىرۋ تۇرىندەگى جازانى قولدانىپ، كىنالى دەپ تانىلدى. سوت ۇكىمىن ورىنداۋ ماقساتىندا ە.ە. نارىمباەۆ تەرگەۋ يزولياتورىنا قامالدى» دەلىنگەن حابارلامادا.
نارىمباەۆ ۋكراينادان قازاقستانعا كەلگەن كەزدە ۇستالدى. پاسپورتتىق باقىلاۋدان كەيىن ونى بولەك بولمەگە، كەيىن تەرگەۋ يزولياتورىنا الىپ كەتتى.
ەسكە سالايىق، نارىمباەۆ 2016 جىلدىڭ شىلدەسىندە قازاقستاننان قاشىپ كەتكەن، سودان بەرى ۋكراينادا تۇرىپ جاتىر. سول جىلى ول قازاقستانداعى تەرروريزم مەن ەكسترەميزمدى قارجىلاندىرۋعا قاتىسى بار ۇيىمدار مەن تۇلعالاردىڭ تىزىمىنە ەندى. بۇل ءتىزىم قازاقستان رەسپۋبليكاسى قارجى مينيسترلىگىنىڭ سايتىندا جاريالانعان.
"ادىرنا" ۇلتتىق پورتالى
