Keri baılanys
+7 707 676 6977
adyrnaportal@gmail.com

"Narymbaev sot úkimin oryndaý maqsatynda qamaldy" – Prokýratýra túsinikteme berdi

7538
Adyrna.kz Telegram

Almaty prokýratýrasy belsendiniń Almaty áýejaıyna kelgen soń qamaýǵa alyný sebebin túsindirdi, dep habarlaıdy "Adyrna" ulttyq portaly orda.kz-ke silteme jasap.

Búgin tańerteń Almaty áýejaıynda ustalyp, tergeý ızolıatoryna jetkizilgen oppozıııa belsendisi Ermek Narymbaev buǵan deıin shyǵarylǵan  sot úkimin oryndaý úshin qamaýǵa alynǵan. Bul týraly qalalyq prokýratýra habarlady.

 «Almaty qalasynyń prokýratýrasy 1970 jyly týǵan E.E.Narymbaevty Kıev qalasynan kelgennen keıin Almaty halyqaralyq áýejaıynda kóliktegi PD  qyzmetkerleri ustaǵanyn habarlaıdy. Ol buǵan deıin izdeýde boldy. Sot úkimi E.E. Narymbaev  Qazaqstan Respýblıkasy Qylmystyq kodeksiniń 174-baby «Áleýmettik, ulttyq, rýlyq, násildik, taptyq nemese dinı arazdyqty qozdyrý» boıynsha bas bostandyǵynan aıyrý túrindegi jazany qoldanyp, kináli dep tanyldy. Sot úkimin oryndaý maqsatynda E.E. Narymbaev  tergeý ızolıatoryna qamaldy» delingen habarlamada.

Narymbaev Ýkraınadan Qazaqstanǵa kelgen kezde ustaldy. Pasporttyq baqylaýdan keıin ony bólek bólmege, keıin tergeý ızolıatoryna alyp ketti.

Eske salaıyq, Narymbaev 2016 jyldyń shildesinde Qazaqstannan qashyp ketken, sodan beri Ýkraınada turyp jatyr. Sol jyly ol Qazaqstandaǵy terrorızm men ekstremızmdi qarjylandyrýǵa qatysy bar uıymdar men tulǵalardyń tizimine endi. Bul tizim Qazaqstan Respýblıkasy Qarjy mınıstrliginiń saıtynda jarııalanǵan.

"Adyrna" ulttyq portaly

Pikirler