قازاقستان رەسپۋبليكاسىنىڭ پرەزيدەنتى قاسىم-جومارت توقاەۆقا;
قر پرەزيدەنتى اكىمشىلىگىنىڭ باسشىسى مۇرات نۇرتىلەۋگە;
قر پارلامەنتى ءماجىلىسىنىڭ سپيكەرى ەرلان قوشانوۆقا;
قر باس پروكۋرورى عيزات نۇرداۋلەتوۆكە;
قر سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى مارات احمەتجانوۆقا;
قر مەملەكەتتىك قىزمەت ىستەرى اگەنتتىگىنىڭ ءتورايىمى جانار جايىلعانوۆاعا
بۇل جينالعان حالىق - تۇركىستان وبلىسى، قازىعۇرت اۋدانى، التىنتوبە اۋىلى وكرۋگىنىڭ جەرگىلىكتى تۇرعىندارى 30 جىل بويى وزدەرىنىڭ زاڭدى مۇددەلەرىنە قولى جەتپەي، قۇقى تاپتالىپ، 30 جىل بويى ەسەسى كەتىپ وتىرعان حالىق. جەرگىلىكتى مەملەكەتتىك اتقارۋشى ورگاندار قىزمەتىنىڭ ارەكەتسىزدىگى حالىقتى 30 جىل بويى اۋرە-سارساڭعا سالىپ قويىپ، حالىقتىڭ مۇددەسىنە شەشىپ بەرۋگە قۇلىق تانىتار ەمەس. الداعى ۋاقىتتا دا حالىقتىڭ مۇددەسىنە شەشىپ بەرەتىنىنە سەنىم جوق. حالىقتىڭ جەرگىلىكتى اتقارۋشى ورگانداردىڭ، سوت، پروكۋراتۋرا قىزمەتكەرلەرىنە دەگەن سەنىمى ابسوليۋنو ولگەن. حالىق اراسىندا بەرەكە كەتكەن، سەنىم سەتىنەپ، الاۋىزدىق جايلاعان. مۇنىڭ ءبارى جەرگىلىكتى تۇرعىنداردىڭ وزدەرىنە تيەسىلى جەرلەرى بولماعاندىقتان نە كاسىپ ىستەي المايدى، نە جۇمىس كوزى جوق، نە ءۇي سالاتىن جەرى جوق. ارينە، مۇنداي جاعدايدا قالعان حالىقتىڭ زار-مۇڭى اۋىر بولاتىنى زاڭدىلىق. بۇل جاعدايلاردىڭ ورىن العانىنا حالىقتىڭ جەرىن حالىقتىڭ وزىمەن ساناسپاي، 2010 جىلى ەلگە بەلگىسىز «وڭتۇستىك» الەۋمەتتىك كاسىپكەرلىك كورپوراتسياسىنا جەكە مەنشىك قۇقىقپەن وتكىزىپ جىبەرگەن قازىعۇرت اۋدانىنىڭ اكىمدىگى كىنالى. اكىمدىك حالىقتىڭ 17000 گەكتارعا جۋىق جەر تەلىمدەرىن حالىققا بەلگىسىز كورپوراتسياعا جەكەمەنشىك قۇقىقپەن تابىستاپ جىبەرگەن. ءسوزىڭىز بار ما!؟
بۇل سىزدەرگە ايتىپ وتىرعان جاعداياتتاردىڭ ەڭ بەرگى شەتى عانا. تۇركىستان وبلىسى، قازىعۇرت اۋدانى، التىنتوبە اۋىلى وكتۋگىنىڭ 17 000 گەكتارعا جۋىق جەر تەلىمدەرى قازىعۇرت اۋدانى اكىمىنىڭ 16 ءساۋىر 2010 جىلعى № 153 قاۋلىسىمەن «وڭتۇستىك» الەۋمەتتىك كاسىپكەرلىك كورپوراتسياسىنا حالىقتىڭ كەلىسىمىنسىز بەرىلىپ كەتكەن. سوڭىندا «وڭتۇستىك» الەۋمەتتىك كاسىپكەرلىك كورپوراتسياسى بانكورت دەپ جابىلىپ، التىنتوبە اۋىلى وكرۋگىنىڭ جەر تەلىمدەرىن وزگە مەكەمەگە وتكىزىپ جىبەرەدى. 2010 جىلدان بەرى جەر تەلىمدەرى حالىققا اتى مەن زاتى بەلگىسىز
1. «وڭتۇستىك» اكك اق-سى
2. «شىمكەنت كۇردەلى قۇرىلىس» جشس-ءسى
3. «شىمكەنت» اكك اق-نا
4. «تۇركىستان» اكك اق-نا
ءوتىپ كەتكەن.
جەرگىلىكتى تۇرعىندار جىلدار بويى تابانىنىن توزىپ، سان رەت جەرىن سۇراپ بارادى. بىراق، كورپوراتسيا وكىلدەرى سىلتاۋدان وزگە نارسە ايتپاي، تۇرعىنداردى الداپ، تالاي قۇيتىرقىلىقتاردى ىسكە اسىرادى. ءبىر قىزىعى، كورپوراتسيانىڭ اتى مەن زاتى دا، ماماندارى ءجيى اۋىسىپ، جەرىن داۋلاپ بارعان جۇرتشىلىقتى تابانىنان توزدىرادى. ەشكىم جاۋاپكەرشىلىكتى موينىنا المايدى. بار ايتارى – ءبىزدىڭ كەزىمىزدە ەمەس، باسقا مامانداردىڭ كەزىندە ىسكە اسقان دەگەن جەلەۋمەن قۇتىلىپ وتىردى.
كەشەگى قىزىل يمپەريا كەڭەستەر وداعى ىدىراپ، قازاقستاننىڭ بارلىق وڭىرلەرىندەگى، اۋداندارىنداعى اۋىل وكرۋگتەرىندەگى سوۆحوزدار مەن كولحوزدار، شارۋاشىلىقتار تاراپ، جەرگىلىكتى حالىققا وزدەرىنە تيەسىلى جەر ۇلەستەرى بەرىلىپ جاتتى. ال، شارۋاشىلىقتار تاراپ، قازاقستاننىڭ تۇكپىر تۇكپىرىندەگى ەلدىڭ ءبارى ۇلەستەرىن الىپ جاتقاندا، التىنتوبە اۋىلى وكرۋگىنىڭ حالقى توزاڭداي دا ۇلەسىن الا المادى. باسشى بولعان ادامدار شارۋاشىلىقتى تالان-تاراجعا سالىپ توناپ كەتتى. 1991-1993 جىلدارداعى توقىراۋدا وسى اۋىل وكرۋگىنىڭ حالقى باسىنان وتە اۋىر تۇرمىستىڭ تاۋقىمەتىن وتكىزدى. ءبىر بولكە نانعا قولى جەتپەي، دۇكەندەردە ۇزىن-سونار كەزەكتە تۇردى. وسى قيىنشىلىقتىڭ ءبارى تۇرعىنداردىڭ شارۋاشىلىقتان ۇلەسىن الا الماعاندىقتان بولدى. بىراق بۇل وكرۋگتەگى حالىقتىڭ الەۋمەتتىك احۋالىنا ءبىر دە ءبىر باسشىنىڭ باسى اۋىرمادى.
كولحازدار مەن سوۆحوزدار تاراپ جاتقاندا التىنتوبە شارۋاشىلىعى تاراتىلماي، حالىققا ءوزىنىڭ جەرى مەن جەردىڭ كوك قاعازى بەرىلمەي، شارۋاشىلىق بۇرىنعى كەڭەس ۇكىمەتى كەزىندەگى كەڭشار سياقتى قالپىندا قالدى. بىراق ەشقانداي دا مۇلكى قالماي، تالان-تاراج بولىپ تونالىپ كەتكەن بولاتىن. ءبىزدىڭ كەڭشار تاراتىلمايدى، باياعى كەڭەس وداعى كەزىندەگىدەي ساقتالادى دەپ، جەرگىلىكتى اكىمدىكتەگى باسشىلار ونىڭ جەرىنە تاس كەنەدەي جابىستى. ونى تاراتپاعانىنىڭ سەبەبىن ءبىز كەيىننەن تۇسىندىك. ەشتەڭەسى دە قالماعان التىنتوبە حالقىنىڭ سوڭعى نەسىبەسى – جەرىن سورىپ، قالتالارىن تولتىرۋ ماقساتىندا تاراتپاي ۇستاپ وتىرعان. وسى جينالىپ تۇرعان حالىق كەزىندە شارۋاشىلىقتان ءوزىنىڭ ۇلەسىن الا المادى، ال، سوڭىنان جەرىنەن ايىرىلىپ تاعى دا زارداپ شەكتى. تاسباۋىر باسشىلىقتى حالىقتىڭ جەرىم دەگەن زار-مۇڭى قىزىقتىرمادى. ال، قازىرگى باسشىلىعى دا ءدال بۇرىنعى باسشىلار سياقتى حالىقتىڭ جەر ۇلەسىن وزىنە قايترعىسى كەلمەيتىن تاسباۋىرلار بولىپ وتىر.
حالىقتىڭ جەرى اكىمدىكپەن سىبايلاس لوببيستتەردىڭ قولىنا ءوتىپ كەتكەن. التىنتوبە اۋىلى وكرۋگىنىڭ جەرلەرى قازاقستان رەسپۋبليكاسىنداعى ەڭ قۇنارلى، ەڭ شۇرايلى، تاۋلى ايماقتارداعى ءونىم بەرۋ كوەففيتسيەنتى بويىنشا ەلدە جەتەكشى ورىنعا يە. سوندىقتان دا وبلىس پەن اۋداننىڭ باسشىلىعىنداعى جوعارى قىزمەتتەگى ادامدار بۇل جەردى بارىن سالىپ، حالىقتان تارتىپ الىپ كەلدى. جەردىڭ قۇنارى بۇزىلىپ، ەروزياعا ۇشىراعانىنا قاراماي پايدالانىپ كەلدى. مۇنىڭ بارىنە دالەل بولاتىن قۇجاتتارىمىز جەتكىلىكتى.
بۇرىنعى كەڭەس ۇكىمەتى كەزىندەگى التىنتوبە شارۋاشىلىعىنىڭ جەر تەلىمدەرى قازاقستان رەسپۋبليكاسىنىڭ ۇكiمەتi بەلگiلەگەن تارتiپپەن جەكەشەلەندىرۋ (پريۆاتيزاتسيا) جىلدارى «جەكەشەلەندىرۋ تۋرالى» قازاقستان رەسپۋبليكاسىنىڭ 1995 جىلعى 23 جەلتوقسانداعى N 2721 زاڭى نەگىزىندە حالىققا تاراتىلىپ بەرىلۋى ءتيىس بولاتىن. جەرگىلىكتى مەملەكەتتىك اتقارۋشى ورگاندار، پروكۋراتۋرا ورگاندارى بۇل پروتسەستى جەكەشەلەندىرۋ زاڭى نەگىزىندە جۇزەگە اسىرمادى. قر ۇكىمەتى مەن باس پروكۋراتۋرا دا ءبىزدىڭ وكرۋگتىڭ مۇلكى مەن جەرلەرىنىڭ جەرگىلىكتى حالىققا تاراتىلۋىن زاڭ جۇزىندە قاداعالاۋعا المادى. سول ۋاقىتتاعى كەتكەن اعاتتىقتىڭ سالدارى قازىرگى كەزدە التىنتوبە اۋىلى وكرۋگىنىڭ تۇرعىندارىنىڭ بەرەكەسىزدىگىنە الىپ كەلىپ وتىر.
ءبىز قازىر التىنتوبە اۋىلى وكرۋگىنىڭ حالقىنا ءوز جەر ۇلەستەرىن قايتارۋ جولىندا ۇزدىكسىز جۇمىس ىستەپ جاتىرمىز. ساۋاتتى، بەلسەندى ازاماتتارعا جەتەكشىلىك جاساپ، اۋىل ازاماتتارىنىڭ باسىن قوسىپ، كوماندا قۇرىپ، جەر سالاسىنىڭ ماماندارمەن كەڭەسىپ، زاڭ جولىمەن ءىستى قولعا الدىق. ءبىزدىڭ جەرىمىزدىڭ ءىسى سوتقا تاپسىرىلدى. مەن سىزدەرگە بايانداپ وتىرعان كۇردەلى ماسەلە قازاقستان رەسپۋبليكاسىنىڭ بارلىق وڭىرلەرى مەن اۋداندارىندا بار. وعان كۇمان جوق. سوندىقتان سىزدەرگە بۇل ماسەلە جونىندە رەتىمەن اقپارات بەرەمىن. باسشىلىق تاراپىنان ورىن العان قۇيتىرقىلىقتىر مەن حالىقتى الداۋدىن سان ءتۇرلى تەحنولوگيالارىنىڭ قالاي جۇزەگە اسقانىمەن تانىستارىمىن.
ءبىز زەرتتەپ، انىتقاپ وتىرعان اقپاراتتار لەگى سىزدەرگە دە وتە قاجەتتى بولىپ شىعۋى ابدەن مۇمكىن. كەشە ءبىز جەرگىلىكتى حالىققا جەر داۋى بويىشا ىسكە اسىپ جاتقان جۇمىستار بويىنشا ەسەپ بەردىك. ءتۇسىندىرۋ جۇمىستارىن جۇرگىزدىك. 4 اي ىشىندە ىسكە اسقان جۇمىستاردىڭ ناتيجەسىن ايتتىق. حالىققا ءوز جەر ۇلەستەرىن قايتارۋ جولىندا بارىمىزدى سالۋعا دايىنبىز. بىزدەن اقپارات كۇتىڭىزدەر!
بەكبولات قارجان
