قاڭتار قاسىرەتىندە جەكە ۇشاقتارىمەن قاشىپ بارا جاتىپ، قىرۋار قارجىنى شەتەلدەرگە اۋدارعاندار كىمدەر؟ - “اق جول”
“اق جول” فراكتسياسى قارجى مونيتورينگ اگەنتتىگىنە ەلىمىزدەن شەتەلدەگى ەسەپشوتتارعا شىعارىلعان قارجىلاردىڭ ەسەبىن سۇراپ، دەپۋتاتتىق ساۋال جاسادى. ساۋالدى ءماجىلىس دەپۋتاتى ماقسات رامانقۇل جاريالادى.
قۇرمەتتى، جاننات قالدىبەكۇلى!
پرەزيدەنت ق.توقاەۆ سىبايلاس جەمقورلىققا قارسى كۇرەس ماسەلەلەرىنە ارنالعان كەشەگى كەڭەستە بۇل دەرت ەلىمىزدىڭ دامۋىنا ەلەۋلى قيىندىقتار تۋعىزاتىن ايتتى.. مەملەكەت باسشىسى سىبايلاس جەمقورلىقتى جويۋ جونىندە تاپسىرمالار بەردى.
«اق جول» دەموكراتيالىق پارتياسىنىن ساياسي باعدارلاماسىندا سىبايلاس جەمقورلىق مەملەكەتتىگىمىزگە نەگىزگى ءۇش قاتەردىڭ ءبىرى رەتىندە كورسەتىلگەن.
بۇگىنگى تاڭدا كازاقستان حالقىنىن ۇرلانعان قىرۋار قاراجاتتىن ەلگە قايتارۋدى ماڭىزدى ماسەلە دەپ سانايمىز.
ءبىزدىڭ فراكتسيانىڭ سونعى جىلدارى، «پاناما ءتىزىمى»، «رايسكوە دوسە» جانە، شۆەيتساريا بانكتەرىنىڭ قازاقستاندىقتىردىڭ شوتتارىنا قاتىستى دەپۋتاتتىق ساۋالدارىمىزدا وسى ماسەلەلەردى بىرنەشە رەت كوتەرگەن بولاتىنبىز.
«Global financial integrity» حالىقارالىق ۇيىمىنىڭ مالىمەتى بويىنشا، سوڭعى 25 جىلدا قازاقستاننان شەتەلدىك وففشورلارعا شامامەن 140-160 ميلليارد اقش دوللارى شىعارىلعان، بۇل بۇكىل ەلدىڭ جىلدىق ىشكى جالپى ءونىمى مەن ونىڭ سىرتقى قارىزىنا تەڭ.
كەيبىر مالىمەتتەرگە سايكەس، سوڭعى بەس جىلدا قازاقستان رەسپۋبليكاسىنىڭ قۇقىق قورعاۋ ورگاندارى كاراجاتتى شەتەلگە زاڭسىز شىعارۋ فاكتىلەرى بويىنشا ەكى جۇزدەن استام ءىس قوزعاعان.
الايدا، ناقتى ناتيجەلەرى تۋرالى ەشتەڭە بەلگىسىز.
سونىمەن قاتار، قاڭتار قاسىرەتىندە كەيبىر وليگارحتار قازاقستاننان جەكە ۇشاقتارمەن كەتىپ قانا قويماي، قىرۋار قارجىنى شەتەلدەگى ەسەپشوتتارعا اۋدارعانى تۋرالى رەسمي ەمەس اقپارات بار.
وسىعان بايلانىستى «اق جول» فراكتسياسى قارجى مونيتورينگى اگەنتتىگىنەن سۇرايمىز:
1) اگەنتتىك قۇرىلعاننان بەرى قازاقستان ەكونوميكاسىنا وففشورلىق ايماقتاردان ناقتى قانشا قاراجات قايتارىلعانى تۋرالى اقپارات بەرۋ.
2) قاڭتارداعى قايعىلى وقيعالار كەزىندە قازاقستاننان شەتەلگە كانداي ءىرى قاراجات شىعارىلدى (ميلليون اقش دوللاردان كوپ سۋممالار), ونى كىمدەر شىعاردى، كىمدەردىن شوتتارىنا ءتۇستى؟
سول كۇردەلى كۇندەردە كولەڭكەلى كاپيتالدار شىعارىلدى، دەگەن كۇدىگىمىز بار. ول ادامدار تاعدىرىن ەلىمىزبەن بايلانىستىرماسا، قالاعان جەردە قالا بەرسىن. بىراق شىعارىلعىن قاراجات حالىقتان ۇرلانعان بولسا، ەلىمىزگە قايتارىلىپ، ەكونوميكاعا جۇمىس ىستەسىن.
3) سوندىقتان بۇنداي فاكتىلەر بولعان جاعدايدا، سالىق ورگاندارىنان مۇنداي قارجىنىڭ شىعۋىنىڭ زاڭدىلىعىن جانە ولاردىڭ ءتيىستى سالىقتاردى تولەگەنىن تەكسەرۋىن سۇرايمىز.
قۇرمەتپەن، “اق جول” پارتياسى فراكتسياسى مۇشەلەرى
