"قاڭتار" كوتەرىلىسى كەزىندە تالدىقورعانداعى ەكس-پرەزيدەنت نازارباەۆتىڭ ەسكەرتكىشىن قۇلاتقان كولىكتى جۇرگىزدى دەپ ايىپتاپ، كوك-الا قويداي ەتىپ ساباپ تاستاعان ەر ازاماتقا حالىق اراشا سۇراۋدا، دەپ حابارلايدى "ادىرنا" ۇلتتىق پورتالى.
پوليتسيا وكىلدەرى كوتەرىلىس كەزىندە نازارباەۆتىڭ ەسكەرتكىشىن قۇلاتتى دەپ ايىپتالعان ەر ازاماتتى سوققىعا جىعىپ، كىناسىن مويىنداتقىزباق بولعان. ونى اياماعانى سونشالىق دەنەسىنىڭ ساۋ تامتىعىن قالدىرماي، ۇتىكپەن كۇيدىرىپ، بۇيرەگىن ەزىپ جىبەرگەن، دەيدى ۆيدەو اۆتورى.
ازاماتتىڭ اۋىلداستارى مەن جاقىندارى پرەزيدەنت توقاەۆقا ۇندەۋ جولدادى:
"قاسىم-جومارت كەمەلۇلى توقاەۆ!
قايعىلى قاڭتار وقيعاسىندا قازا تاپقاندارعا قايعىرا كوڭىل ايتا وتىرىپ، وسى وقيعاعا بايلانىستى جازىقسىز تۇتقاندالعان ازاماتتارعا اراشا سۇراعىمىز كەلىپ وتىر. ناقتىراق ايتار بولساق، قاپال اۋىلىنىڭ تۇرعىنى اڭگىمە باتىرباەۆ ازامات جايىندا. ءبىز ونىڭ اۋىلداستارى رەتىندە ازاماتتىڭ ۇلگىلى وتباسىندا تاربيەلەنگەنىن جانە ءوزى دە بەس بالا تاربيەلەپ وتىرعانىن بىلەمىز. دالەلسىز ءسوزىن نەگىزگە الىپ، ادامعا ايىپ تاعۋعا بولمايدى عوي. ءبىز اراشا سۇرايمىز!"
كوپشىلىك قالاۋى، مۇگەدەك اناسى، زەينەت جاسىنداعى اكەسى، بەس بالاسى بار ناقاقتان-ناقاق ايىپتالعان ازاماتتىڭ باس بوستاندىعى.
