قاڭتار وقيعاسىندا قىرشىن كەتكەن بوزداقتاردىڭ ءومىرى، جاقىنىنان ايىرىلىپ، اڭىراپ قالعان جانداردىڭ قارا تۇنەك باسقان كوڭىلى جۇرەكتى قان جىلاتقان قازىرگى كەزەڭدە رەسپۋبليكا پرەزيدەنتىنىڭ ءدال وسى سۇحباتى ءسوزسىز كەرەك ەدى.
البەتتە، سۇحبات اياسىندا «جۇيەنى، جۇيەنىڭ فۋنكتسياسىن وزگەرتۋ، پارلامەنت جۇيەسىن، پارتيالىق جۇيەنى وزگەرتۋ»، «ۇلتتىق قاۋىپسىزدىك جۇيەسىن رەفورمالاۋ جانە سول جۇيەدەگىكەزەك كۇتتىرمەيتىن پروبلەمالاردى شەشۋ» تۋراسىندا ايتىلعان ويلار كوكەيگە ۇلكەن ءۇمىت ۇيالاتادى. بۇل رەتتە، قاسىمجومارت كەمەلۇلىنىڭ «جاۋاپكەرشىلىكتى وزىمە الدىم» دەگەن ءسوزى، گەرمانيانىڭ ۇزدىك ۇلگىسىن تىلگە تيەك ەتكەنى ەرەكشە ىزگى اسەر قالدىردى.
ارينە، «جاقسى ءسوز – جارىم ىرىس»، تەك ايتۋ بار دا، جۇزەگە اسىرۋ بار. ايتپاسقا شارا جوق، ءالى كۇنگە الماتى حالقى ۇرەي ۇستىندە، «تۇندە نە بوپ قالار ەكەن؟» دەپ، كىرپىك ايقاستىرامىز، «بۇگىنگى كۇن تىنىش بولسا ەكەن!» دەپ تاڭ اتىرامىز. قازاقتان ءسوز قالماعان. اتا- باباداناسىلمۇرا، امانات بوپ جەتكەن، ويىپ ايتاتىن، ورنىنا قويىپ ايتاتىن كوسەم، شەشەن قاسيەتتى قازاق تىلىمەن ايتقاندا، ءتۇبىنىڭ قايىرىن بەرسىن! سىن ساعاتتاعى سىن سۇحباتتا ايتىلعان ىزگى جوسپارلار ىزگىلىكپەن ىسكە اسسىن!
جيدەگۇل ابدىجادىلقىزى،
ءال-فارابي اتىنداعى قازاق ۇلتتىق ۋنيۆەرسيتەتى
ءباسپاسوز جانە ەلەكتروندى باق كافەدراسىنىڭ دوتسەنتى
