Qańtar oqıǵasynda qyrshyn ketken bozdaqtardyń ómiri, jaqynynan aıyrylyp, ańyrap qalǵan jandardyń qara túnek basqan kóńili júrekti qan jylatqan qazirgi kezeńde Respýblıka Prezıdentiniń dál osy suhbaty sózsiz kerek edi.
Álbette, suhbat aıasynda «Júıeni, júıeniń fýnkııasyn ózgertý, parlament júıesin, partııalyq júıeni ózgertý», «Ulttyq qaýipsizdik júıesin reformalaý jáne sol júıedegikezek kúttirmeıtin problemalardy sheshý» týrasynda aıtylǵan oılar kókeıge úlken úmit uıalatady. Bul rette, Qasymjomart Kemelulynyń «Jaýapkershilikti ózime aldym» degen sózi, Germanııanyń úzdik úlgisin tilge tıek etkeni erekshe izgi áser qaldyrdy.
Árıne, «Jaqsy sóz – jarym yrys», tek aıtý bar da, júzege asyrý bar. Aıtpasqa shara joq, áli kúnge Almaty halqy úreı ústinde, «túnde ne bop qalar eken?» dep, kirpik aıqastyramyz, «Búgingi kún tynysh bolsa eken!» dep tań atyramyz. Qazaqtan sóz qalmaǵan. Ata- babadanasylmura, amanat bop jetken, oıyp aıtatyn, ornyna qoıyp aıtatyn kósem, sheshen qasıetti qazaq tilimen aıtqanda, túbiniń qaıyryn bersin! Syn saǵattaǵy syn suhbatta aıtylǵan izgi josparlar izgilikpen iske assyn!
Jıdegúl Ábdijádilqyzy,
Ál-Farabı atyndaǵy Qazaq ulttyq ýnıversıteti
Baspasóz jáne elektrondy BAQ kafedrasynyń doenti
