پرەزيدەنت ەلىمىزدەگى زيالى قاۋىمنىڭ جاعىمپازدىق ارەكەتىنە قاتىستى پىكىر ءبىلدىردى، دەپ حابارلايدى "ادىرنا" ۇلتتىق پورتالى.
- جاعىمپازدارعا قاتىستى ايتار بولساق، مەن وعان قارسىمىن. مەن مۇلدەم باسقا ورتادا تاربيەلەندىم. ماقتاۋ، ماداقتاۋ دەگەن اتىمەن بولعان جوق. ونداي قولپاشتاۋ تۋرالى اڭگىمە ايتۋدىڭ ءوزى ارتىق شىعار… ولاي ەشقاشان دا بولعان ەمەس. دەگەنمەن ءبىزدىڭ زيالى قاۋىمدى وزگەرتۋ قيىن. ولار – باسقا جاعدايدا تاربيە العان جاندار»، – دەدى قاسىم-جومارت توقاەۆ «حابار 24» تەلەارناسىنا بەرگەن سۇحبات بارىسىندا.
بۇعان دەيىن مەملەكەت باسشىسى ەلدى كونستيتۋتسياعا سايكەس ەكى مەرزىمنەن ارتىق باسقارمايتىنىن جەتكىزگەن ەدى. سونداي-اق، الماتى قالاسىنىڭ اكىمى باقىتجان ساعىنتاەۆتى ورنىنا الۋعا قاتىستى پىكىر بىلدىرگەن ەدى.
"ادىرنا" ۇلتتىق پورتالى
