2022 جىلعى قاڭتار وقيعاسىنا بايلانىستى نەگىزسىز قۋدالاۋعا ۇشىراپ جاتقان ازاماتتاردىڭ قۇقىعىن قورعاپ، بوستاندىققا شىعارۋ ماقساتىندا قۇرىلعان «امانات» قوعامدىق كوميسسياسىنىڭ جەتەكشىسى ابزال قۇسپان ەرەۋىلگە شىعىپ، اۋرۋحانادا مەدبيكەنى زورلاپ تاستاعان قىلمىس تۋرالى ايتتى، دەپ حابارلايدى kznews.kz سايتى.
«Facebook-تى اشىپ قاراساڭىز بارلىعىن شىعارىپ جىبەرۋ كەرەك دەگەن ۇراندى كورەسىز. بۇل دەليتانتتىق. ماتەريالداردىڭ ىشىنەن كوپتەگەن قىلمىستاردى كورىپ جاتىرمىز. دالەلسىز قامالىپ جاتقان ەشتەڭەسىز جوق، ۆيدەوكامەراعا ءتۇسىپ قالعاندار بار. مىسال ءۇشىن ءبىر عانا دايەكتى ايتايىن. بۇگىن شىعارعان 11 ادامنىڭ كوزبەن كورگەن. 7-ءشى اۋرۋحاناعا جاراقاتپەن تۇسكەن كەزدە، سول كەزدە ەرەۋىلشىلەر باسىپ كىرىپ، ولاردىڭ كوزدەرىنشە مەدبيكە قىزدى زورلاپ تاستاعان. ول پوليتسيا ەمەس، ول ەرەۋىلگە قاتىسقان تەنتەك، بۇزاقى توپتاردىڭ ىستەپ جاتقان قىلىعى. ەگەردە ءبىراز مىسالدى ايتىپ بەرەتىن بولساق تالاي ادام ءتۇڭىلىپ كەتەر ەدى. ءوز باسىمىز شارتتى تۇردە ەكى ۇعىمدى ەنگىزىپ جاتىرمىز. ادال نيەتتىلەر مەن ارام پيعىلدار دەپ. ادام نيەتتىلەر مەن ارام پيعىلداردىڭ اراسىن اجىراتۋ كەرەك»، — دەدى ابزال قۇسپان.
”ادىرنا” ۇلتتىق پورتالى
