شىمكەنتتە وقۋشىلارعا تەگىن تاماق بەرىلە باستادى

3100
Adyrna.kz Telegram

بىلتىر شىمكەنت قالاسىنىڭ ءبىلىم سالاسى بويىنشا قابىلدانعان وڭ شەشىمدەردىڭ ءبىرى - باستاۋىش سىنىپتارعا مەملەكەت ەسەبىنەن تەگىن تاماق بەرۋ شەشىمى بولدى. بۇل تۋرالى شىڭعىس مۇقان ءوز پاراقشاسىندا جاريالادى. 

قالا اكىمى مۇرات ايتەنوۆتىڭ ۇسىنىسىمەن، ءماسليحات دەپۋتاتتارىنىڭ قولداۋىمەن، جەلتوقسان ايىندا بيىلدان باستاپ 1-4 سىنىپ وقۋشىلارىن ءجۇز پايىز ىستىق تاماقپەن قامتۋ تۋرالى شەشىم قابىلدانعان بولاتىن.

شىمكەنت قالاسى اكىمىنىڭ قاۋلىسىنا سايكەس، وقۋ جىلىنىڭ ءۇشىنشى توقسانىنان باستاپ مەگاپوليس مەكتەپتەرىندە باستاۋىش سىنىپ وقۋشىلارىنا تەگىن ىستىق تاماق بەرىلۋ باستالدى. وسىعان دەيىن تەگىن ءبىر مەزگىل ىستىق تاماق تەك الەۋمەتتىك جاعدايىنا قاراي بەرىلگەن بولسا، ەندى مەملەكەتتىك جانە جەكەمەنشىك مەكتەپتەردىڭ 1-4 سىنىپ وقۋشىلارى ءجۇز پايىز ىستىق تاماق ىشۋگە مۇمكىندىگى بار.

بۇگىندە قالادا مەملەكەتتىك مەكتەپتەردە - 88 657, جەكەمەنشىك مەكتەپتەردە 12 500 باستاۋىش سىنىپ وقۋشىسىنا تەگىن تاماق بەرىلۋدە. وعان قوسا 28 367 از قامتىلعان وقۋشىلار دا تەگىن تاماقتانۋدا.

”ادىرنا” ۇلتتىق پورتالى

پىكىرلەر