پارا الدى دەگەن كۇدىكپەن تۇتقىندالعان «وكم وپەراتورى» جشس باسقارما توراعاسى مەدەت قۇمارعاليەۆتىڭ جۇبايى مالىمدەمە جاسادى، دەپ حابارلايدى «ادىرنا» ءتىلشىسى.
«بۇگىن بارلىق بۇقارالىق اقپارات قۇرالىندا مەنىڭ جۇبايىمدى ۇستاۋعا قاتىستى اقپارات جاريالاندى، ءارى ونىڭ ەلدەن كەتكىسى كەلگەنى تۋرالى مالىمەت پايدا بولدى. مەن كۇيەۋىمنىڭ ەلدە قالعانىن جانە ونى تاستاپ كەتكىسى كەلمەگەنىن حابارلايمىن. بەرىلگەن اقپارات شىندىققا جاناسپايدى. مەدەت قۇرمانعاليەۆ قازاقستاندا دۇنيەگە كەلدى، ءوستى جانە ەشقاشان ودان كەتۋدى ويلاماعان.
ول ناعىز پاتريوت، كوپ بالالى اكە، ەكولوگياعا 20 جىلدان استام ۋاقىت بويى ادال ەڭبەك سىڭىرگەن ازامات. بيلىكتەن حالىقتى اداستىرماۋىن سۇرايمىن»، — دەپ جازدى اسەم قۇمارعاليەۆا.
ول سونداي-اق قوعامدىق قورعاۋشى رەتىندە ونىڭ مۇددەسىن قورعايتىنىن ايتتى.
ايتا كەتەيىك، نۇر-سۇلتاندا «وكم وپەراتورى» جشس-نىڭ باس ديرەكتورى مەدەت قۇمارعاليەۆ ۋاقىتشا تەرگەۋ اباقتىسىنا قامالعان بولاتىن.
«ادىرنا» ۇلتتىق پورتالى
