Para aldy degen kúdikpen tutqyndalǵan «ÓKM Operatory» JShS basqarma tóraǵasy Medet Qumarǵalıevtyń jubaıy málimdeme jasady, dep habarlaıdy «Adyrna» tilshisi.
«Búgin barlyq buqaralyq aqparat quralynda meniń jubaıymdy ustaýǵa qatysty aqparat jarııalandy, ári onyń elden ketkisi kelgeni týraly málimet paıda boldy. Men kúıeýimniń elde qalǵanyn jáne ony tastap ketkisi kelmegenin habarlaımyn. Berilgen aqparat shyndyqqa janaspaıdy. Medet Qurmanǵalıev Qazaqstanda dúnıege keldi, ósti jáne eshqashan odan ketýdi oılamaǵan.
Ol naǵyz patrıot, kóp balaly áke, ekologııaǵa 20 jyldan astam ýaqyt boıy adal eńbek sińirgen azamat. Bılikten halyqty adastyrmaýyn suraımyn», — dep jazdy Ásem Qumarǵalıeva.
Ol sondaı-aq qoǵamdyq qorǵaýshy retinde onyń múddesin qorǵaıtynyn aıtty.
Aıta keteıik, Nur-Sultanda «ÓKM Operatory» JShS-nyń bas dırektory Medet Qumarǵalıev ýaqytsha tergeý abaqtysyna qamalǵan bolatyn.
«Adyrna» ulttyq portaly
