الماتىدا ۇرلانعان قارۋ-جاراق پەن وق-دارىلەر قويماسى تابىلدى، دەپ حابارلايدى "ادىرنا" ۇلتتىق پورتالى.
قۇپيا ورىن شاڭىراق ىقشام اۋدانىنداعى جەكە تۇرعىن ءۇيدىڭ ەدەنىنىڭ استىنان تابىلدى. وندا تارتىپسىزدىككە جانە قارۋ-جاراق دۇكەنىن توناۋعا قاتىسقان ءتورت ادام ۇستالدى.
- ءتىنتۋ كەزىندە وقتارى بار ەكى مىرىش، 12 رگد جانە ف-1 گراناتاسى، اك-47-گە ارنالعان ەكى پاترون، وق وتكىزبەيتىن كيىم، قالقاندار، دۋلىعالار، رپگ سناريادى، تەگىس ۇڭعىلى مىلتىق، توعىز مىلتىق انىقتالدى. ايعاقتى زاتتار تەرگەۋ-جەدەل توبىمەن پروتسەسسۋالدىق تارتىپتە تاركىلەندى، - دەدى الماتى قالالىق پوليتسيا دەپارتامەنتى باستىعىنىڭ ورىنباسارى بەرىك ابىلبەكوۆ.
ولارعا قاتىستى قىلمىستىق كودەكستىڭ 188-بابى 3-بولىگى جانە 291-بابى 1-بولىگى بويىنشا ءىس قوزعالدى.
كۇدىكتىلەر ۋاقىتشا ۇستاۋ يزولياتورىنا قامالدى. ۇستالعاندار ارسەنال تابىلعان جالدامالى ۇيدە بىرگە تۇرعان. ولاردىڭ جاسى 27, 35, 39-دا.
"ادىرنا" ۇلتتىق پورتالى
