شىمكەنت قالاسىنىڭ اباي اۋدانى، قازىعۇرت شاعىناۋدانىندا بىلتىر تاۋەلسىزدىكتىڭ 30 جىلدىق مەرەيتويى قارساڭىندا №14 ەمدەۋ ورتالىعى اشىلعان بولاتىن.
تاۋلىگىنە 250 ادام قابىلداي الاتىن مەديتسينالىق مەكەمەگە قالالىق №11 ەمحانانىڭ 22 مىڭ حالقى تىركەلدى.
قالا اكىمى م.ايتەنوۆ ورتالىقتىڭ بۇگىنگى جۇمىس بارىسىمەن تانىستى.
بۇگىندە ورتالىقتا 13 جالپى تاجىربيەلى مامان، 2 بالالار، 2 اكۋشەر-گينەكولوگيالىق اۋماعى جۇمىس ىستەيدى. سونداي-اق، كارديولوگ، رەۆماتولوگ، حيرۋرگ، ۋرولوگ، وكۋليست، ەندوكرينولوگ، ونكولوگ، فتيزياتر، سوتسيولوگ، پسيحولوگ، گينەكولوگ ماماندار قىزمەت اتقارۋدا.
دياگنوستيكا بولىمىندە تاۋلىك بويى جۇمىس اتقاراتىن مرت، كت قۇرىلعىسى، ۋلترادىبىستىق زەرتتەۋ قۇرىلعىسى، جاتىر موينى اۋرۋلارىنىڭ دياگنوستيكاسى ءۇشىن ۆيدەكولپوسكوپ، وفتالمولوگيالىق قۇرىلعىلار، لور كومبايىن ورناتىلعان.
مەديتسيتسينالىق كومەك ءمامس جانە كەپىلدەندىرىلگەن تەگىن كومەك اياسىندا جۇرگىزىلەدى.
ەلدىمەكەن تۇرعىندارى ءۇشىن ساپالى مەديتسينالىق قىزمەتتەر الۋعا جاعداي جاسالعان.
ەمدەۋ ورتالىعى حالىق دەنساۋلىعىنىڭ جاقسارۋى مەن ءومىر جاسىنىڭ ۇزارۋىن ارتتىرۋعا ءوز ۇلەسىن قوساتىن بولادى.
شىمكەنت قالاسى اكىمدىگىنىڭ ءباسپاسوز قىزمەتى
