رۋزا بەيسەنبايتەگى: كەرەكۋ اكىمى مەن كۇشتىك قۇرىلىمدار باسشىلارىنىڭ تۇگەلدەي ورنىنان كەتۋىن تالاپ ەتەمىن!

2596
Adyrna.kz Telegram

رەداكتسيامىزعا ءتىل جاناشىرى، ادىلەتتىك ىزدەۋشى، كۇرەسكەر رۋزا بەيسەنبايتەگى حابارلاسىپ، پاۆلودار وبلىسىنداعى پوليتسيا قىزمەتكەرلەرىنىڭ اسىرەسىلتەۋشىلىك ارەكەتتەرى مەن قاتىگەزدىكتەرى تۋرالى ايتىپ بەردى.

ونىڭ ايتۋىنشا، ەلىمىزدە بولعان جاپپاي نارازىلىق كەزىندە كەرەكۋلىك بىرنەشە بەلسەندى، كەرەكۋ ۋنيۆەرسيتەتىندەگى 4-كۋرس ستۋدەنتتەرى،  موڭعوليادان كەلگەن بىرقاتار قانداستارىمىز جازىقسىز ۇستالىپ، ولاردىڭ ءبىر توبى 15 تاۋلىككە تۇرمەگە قامالعان.

— سوت ستۋدەنتتەرگە ودان سوراقىسىن جاسادى، 15 تاۋلىكتەن كەيىن دەپورتاتسيالاۋدى شەشتى،  دەگەنمەن پرەزيدەنتتىڭ تاپسىرماسىنا وراي ولاردى ەرتەرەك شىعاردى جانە وقۋىندا قالدىردى. ال بەلسەندىلەردىڭ جاعدايىنا كەلسەك، 6 قاڭتاردا كەرەكۋلىك  2 بەلسەندى جىگىتتىڭ قامالعانىن ەستىپ، بىرنەشە كۇن بويى  قالالىقىشكى ىستەر باسقارماسىنا،  ىشكى ىستەر دەپارتامەنتىنە، شتابقا  قوڭىراۋ شالدىم، ءتىپتى باردىم دا. ادىلدىك بار بولسا، سول كەزدە ەكەۋىن بوساتاتىنىنا سەندىم.  ويتكەنى بۇل جىگىتتەر 5 قاڭتارداعى بۇزاقىلىقتى كورگەننەن كەيىن وزدەرى پوليتسياعا "حالىقتان جاساق جاساپ كومەكتەسەيىك" دەگەن ۇسىنىسپەن بارعان. بىراق جولدا پوليتسيا توقتاتىپ، ءادىلسىز سوت ولاردى بىرنەشە تاۋلىككە قامادى. ياعني پوليتسيا، وزدەرىنە كومەككە كەلگەندەردى سوتتاتتى! وسى جاعدايدى كورىپ، شىداماي، ءوزىم ءىىب بارىپ، باسشىسىمەن سويلەسۋگە بەكىندىم. الايدا ول جەردەگىلەر مەنى ىشكە كىرگىزبەدى، دەگەنمەن ارەڭ سول جەردەگى بوتىرعان باسشى د.بەككە كىردىم. ول وتە دورەكى سويلەدى.  ناتيجەسىندە ادىلدىكتى  سوتتان ىزدەڭىز  دەپ شىعارىپ سالدى. الايدا ادىلدىككە قول جەتكىزبەك بولعان ماعان قۇقىق قورعاۋ ورگاندارى 91 مىڭ تەڭگە ايىپپۇل سالدى دا، جىگىتتەرگە ەش اپەللياتسيا  جازدىرماي، ىلە سىرتقا شىعارىپ جىبەردى، — دەيدى بەلسەندى.

رۋزا بەيسەنبايتەگىنىڭ ايتۋىنشا، كەرەكۋدە اكىمشىلىك سوتتارعا ادامدار تەك كۇشپەن اپارىلادى. ول مەكەمەدە ادام قۇقىعى قورعالمايدى.

"ۇلتتىق مۇددە، تاۋەلسىزدىككە، ەكولوگياعا الاڭداۋ، جەر ءۇشىن شىقتىڭ با، ءبىتتى، قىلمىسكەرسىڭ  كەرەكۋ وڭىرىندە!... 30 جىل ءار ءتۇرلى ادىلسىزدىكتەرگە شىداپ كەلگەن حالىق اينالاسى 4-5 كۇندە قازاقستاننىڭ ەش وبلىسى قالماي كوتەرىلگەنى بۇلاردى ەش ويلانتپاي وتىر.

ءسوز سوڭىندا ايتارىم،  باستى قۇندىلىق — تاۋەلسىزدىگىمىزگە قاۋىپ ءتوندىرىپ وتىرعان كەرەكۋ ءوڭىرى اكىمىن، وبلىس، قالانىڭ كۇشتىك قۇرىلىمدارى باسشىلارىنىڭ تۇگەلدەي ورنىنان كەتۋىن تالاپ ەتەمىن!، — دەيدى ر.بەيسەنبايتەگى.

 

"ادىرنا" ۇلتتىق پورتالى

پىكىرلەر