23 قاڭتاردا يەمەندەگى "انسار اللاح" پرويراندىق قوزعالىسى ساۋد ارابيا باعىتىندا بالليستيكالىق زىمىران ۇشىردى، دەپ حابارلايدى "ادىرنا" ۇلتتىق پورتالى.
بالليستيكالىق زىمىران دجازانداعى احاد ءال-ماساريحتىڭ وندىرىستىك ايماعىنا قۇلاپ، ناتيجەسىندە 2 ادام - سۋدان مەن بانگلادەش ازاماتتارى قازا تاپتى. شەبەرحانالار مەن ازاماتتىق كولىكتەرگە دە زيان كەلتىرىلدى.
سونىمەن قاتار، ساۋد ارابياسى باستاعان اراب كواليتسياسى يەمەننىڭ ءال-دجۋف پروۆينتسياسىنان ۇشىرىلعان ادام باسقارمايتىن ەكى ۇشۋ اپپاراتىن جويدى.
ساۋد ارابياسىنىڭ باقىلاۋىنداعى يەمەن قورعانىس مينيسترلىگى حۋسيتتەر سوعىسۋدان باس تارتقان جاۋىنگەرلەردى ءولتىرىپ جاتقانىن ايتتى. يەمەننىڭ ساۋد ارابياسىن قولدايتىن ۇكىمەتى بۇل جاۋىنگەرلەرگە حالىقارالىق قۇقىققا سايكەس ادامگەرشىلىكپەن قاراۋعا ۋادە بەردى.
"ادىرنا" ۇلتتىق پورتالى
