قازاقستاندا ۇستالعان قىرعىزستاندىق مۋزىكانتقا وپەراتسيا جاسالدى: "ميىم شايقالىپ، قابىرعام سىندى"

11174
Adyrna.kz Telegram

قىرعىزستاندىق مۋزىكانت ۆيكرام رۋزاحۋنوۆقا وپەراتسيا جاسالدى. ول بۇل تۋرالى ءوزىنىڭ ينستاگرام پاراقشاسىندا جازدى. 

"10-قاڭتار كۇنى مەنى ۇيىمە اكەلگەن ساتتە، مەن ءالى تولىق ەسىمدى جيماعان بولۋىم كەرەك، العان جاراقاتتارىم جايلى ناقتى سەزبەپپىن. ىسىگەن، جىرىلعان جەرلەرىمدى ارنايى مايمەن سىلاپ، تەز جازىلادى دەپ ويلادىم.  اعام رۋستامنىڭ ارقاسىندا مەن اۋرۋحاناعا قارالىپ، جاعدايىمنىڭ ورتاشا اۋىر ەكەنىن ءبىلدىم. ناقتىلاپ ايتسام بىلاي: كەۋدە تۇسىم جاراقاتتانعان، سول جاقتاعى V-VI قابىرعالارىم سىنىپ كەتكەن، سول جاق پنەۆموتوراكسى پايدا بولىپتى، قابىرعالار اراسى اشىلىپ كەتكەن، مي شايقالعان، دەنەمنىڭ ءار جەرى قانتالاپ، ءىسىپ كەتكەن جانە سول جاق وكپەنىڭ جوعارعى بولىگى تىنىس الۋ قابىلەتىنەن ايىرىلعان، زاقىمدانۋ دارەجەسى 35%" دەپ جازدى ول.

قارالىپ بولعاننان كەيىن، ونى دەرەۋ ارادا رەانيماتسياعا اپارىپ، وپەراتسيا جاسالعان.  "سول ۋاقىتتان بەرى مەن ەم الىپ، ءۇش اۋرۋحانا اۋىستىردىم. تەك قانا جاقىندارىم مەن دارىگەرلەر عانا مەنىڭ قالاي قينالعانىمدى كوردى", — دەيدى ول.

رۋزاحۋنوۆ قازاقستاندا ءوزىن قالاي نەگىزسىز تۇتقىنداعانىن ەسكە الدى.  "وسى ۋاقىتقا دەيىن قازاقستاندىق باق-تىڭ سەنساتسيالىق ۆيدەو ارقىلى اقىماق ارەكەتى قانداي ەففەكت بەرگەنىن بىلمەدىم، ويتكەنى تۇتقىنداۋ كەزىندە ۇيالى تەلەفونىمدى، بارلىق زاتتارىمدى، اقشامدى، جەكە كۋالىگىمدى، جۇرگىزۋشى كۋالىگىمدى، بانك كارتاسىن الىپ كەتتى. كەيىننەن ەشتەڭە قايتارىلمادى، ءبارى جۇمباق تۇردە جوعالىپ كەتتى", - دەدى دجازمەن.

ول قازاقستاندا ءالى دە جازىقسىز ۇستالىپ، قاماۋدا وتىرعان قىرعىزستاندىقتار بارىن ايتتى. الايدا قانداي دا ءبىر باق-قا سۇحبات بەرۋدەن باس تارتتى.

"ادىرنا" ۇلتتىق پورتالى

پىكىرلەر