جۇرەگىم اۋىرادى،
ناۋرىز تۋار،
سودان سوڭ ءساۋىر ءارى...
بۇرقاقتارى باسىلسا بۇل جالعاننىڭ -
سىرقاتتارى سانامنىڭ ساۋىعادى.
...جۇرەگىم اۋىرادى.
اق تۇتەككە قاراماي اڭتارىلىپ،
تارعىل-تارعىل تاستاقپەن تارتادى جۇرت.
قاراعاننىڭ تۇبىندە قاراڭداعان-
ارمان قالدى قاڭتاردا قاڭتارىلىپ.
كەي تۇندەردە اپپاق ءتۇس كورەتىن ەم،
بوزتورعايى ءماشھۇردىڭ كەل،
وتىنەم!
قاڭتارىلعان ارماندى قاڭتارداعى –
قۇتقارايىق ەكەۋلەپ جەل وتىنەن...
قۇربان بولدى توقتى ەمەس،
ءدۇيىم ەركەك،
اياعى جوق نە دەگەن قيىن ەرتەك؟...
...ءتاڭىر مە ەكەن ساپ قويعان تالكەگىنە
ءشامىل كوكەم تاستاپتى كۇيىن ورتەپ.
بالاپاندى بەزدىرسەڭ ۇياسىنان،
اجىرايدى قالامىم سياسىنان.
...ءسىزدىڭ جاڭا كۇيىڭىز
قانداي اعا –
ءبىزدىڭ كۇيدىڭ اتاۋى – «…مي اشىعان»
تۇنگى شاھار،
تەلمىرەم شامدارىنا،
تاۋپىق بەرسىن جاراتقان،
قالعانىما...
...ۇمىتتەردى ۇزدىككەن ۇركىتپەشى –
تۇزاق تاستاي كورمەشى، ارمانىما.
جانىم،
سەنى جانىما ءجيى ەرتەر ەم،
اعارعانىڭ بار بولسا،
قۇي، ەرتەمەن!
...مىنا بۇلىك قاي بۇلىك
كىم ايتادى –
مىنا زامان قاي زامان،
كۇي ورتەگەن؟...
كىم ايتادى،
قاي بۇلىك،
مىنا بۇلىك؟
پەندە تۇگىل ىشىنەن تىنادى بۇلت.
...تاڭىپ بەرشى،
جاراسىن قۇلىنىمنىڭ –
جاعىپ بەرشى،
جانىنا شىراق - ءۇمىت!
دارا جۇرتتا بولادى دانا سەنىم،
اڭىزىنا سىيعىزعان بار اسەمىن.
...قۇستىڭ ءۇنىن ەستىدىم
تاڭ الدىندا –
بوزتورعايىڭ سول شىعار، بابا سەنىڭ!
عالىم جايلىباي
