الەمگە تانىمال قازاقستاندىق ءانشى ديماش قۇدايبەرگەن 2025 جىلعى چەحيا حيت-پارادىنىڭ جەڭىمپازى اتاندى. ونىڭ تىڭدارمانداردىڭ ەڭ كوپ قولداۋىنا يە بولعان Love Is Not Over ءYet انى 2025 جىلعى ÓČKO CHART جەڭىسىن الىپ كەلدى، دەپ حابارلايدى "ادىرنا".
2024 جىلى ديماش چەحيادا وتكەن ÓČKO CHART مۋزىكالىق سىيلىعىن تابىستاۋ سالتاناتتى راسىمىنە قاتىسقان ەدى.
Dimashnews باسىلىمىنىڭ جازۋىنشا، 2023 جانە 2024 جىلداردىڭ قورىتىندىسى بويىنشا ول Together جانە When I’ve Got You كومپوزيتسيالارىمەن جەڭىسكە جەتكەن بولاتىن. وسى ۋاقىتتان بەرى ونىڭ اندەرى چەحيالىق Óčko مۋزىكالىق تەلەارناسىندا تۇراقتى تۇردە ەفيرگە شىعىپ كەلەدى. ال ءوزى حيت-پارادتىڭ ەڭ كوزگە تۇسكەن قاتىسۋشىلارىنىڭ بىرىنە اينالدى.
2025 جىلى ÓČKO CHART حيت-پارادىندا ديماشتىڭ بىردەن ەكى تۋىندىسى ۇسىنىلعان. ولار – ليريكالىق Love Is Not Over Yet كومپوزيتسياسى جانە قازاق تىلىندەگى Tau ءIshinde انى.
داۋىس بەرۋ قورىتىندىسى بويىنشا تىڭدارماندار Love Is Not Over Yet انىنە قولداۋ بىلدىرگەن. ۇيىمداستىرۋشىلار بولاشاقتا ءارتىس جۇلدەنى پراگا قالاسىنداعى TV Óčko ستۋدياسىندا جەكە ءوزى قابىلدايدى دەگەن ءۇمىت ءبىلدىردى.
ديماش ÓČKO CHART تاريحىندا بارلىق اپتا بويى داۋىس بەرۋدە ايقىن باسىمدىقپەن جەڭىسكە جەتىپ، ءالى كۇنگە دەيىن جەڭىلمەگەن جالعىز ورىنداۋشى اتاندى.
