جەلىدە «وقۋشىلار ورامال تاقسىن» دەگەن تالاپپەن ونلاين-پەتيتسيا جاريالاندى

11066
Adyrna.kz Telegram

Egov.press سايتىندا ورامال تاعۋعا رۇقسات ەتۋدى سۇراعان پەتيتسيا پايدا بولدى. ءبىر كۇن بۇرىن پايدا بولعان پەتيتسياعا 20250 ادام قول قويىپ ۇلگەرىپتى، دەپ حابارلايدى «ادىرنا» ءتىلشىسى kznews.kz-كە سىلتەمە جاساپ.

«قازاقستان رەسپۋبليكاسىنىڭ ازاماتى، سالىق تولەۋشى، مۇسىلمان رەتىندە كونستيتۋتسيامىزدىڭ كەپىلى، جاڭاشىل، بۇكىل قازاقستان حالقىنىڭ ءۇمىتى قاسىم-جومارت كەمەلۇلى توقاەۆقا ءوتىنىش بىلدىرەمىن!

قازاق حالقىنىڭ تۇرمىسىن جاقسارتۋ جولىنداعى بارلىق باستامالارىڭىزدى ءتۇسىنىپ، قولداي وتىرىپ، بارشا قازاقستان مۇسىلماندارىن الاڭداتىپ وتىرعان ءبىر ءوتىنىشىم، اتاپ ايتقاندا، مەكتەپتەردە جانە باسقا دا مەملەكەتتىك مەكەمەلەردە وقۋشىلاردىڭ ورامال تاعۋ ماسەلەسى.

قازاقستان رەسپۋبليكاسىنىڭ زاڭدارىن ساقتاي وتىرىپ، يماندى ايەلدەردىڭ ورامال تاعۋىن ماقۇلداعان جانە قىز بالانىڭ تاربيەسىن اتا-اناسىنا جۇكتەگەن ۇلى جاراتۋشىنىڭ زاڭدارىن كەدەرگىسىز ساقتاعىمىز كەلەدى. ادامنىڭ قازىناسىن بەيتانىس كوزدەن جاسىرۋ ادەتى بار سياقتى، مۇسىلمانعا دا اۋرەتىن جات كوزدەن جاسىرۋ ءۋاجىپ.

كونستيتۋتسيامىزدىڭ 14-بابىنىڭ 2-تارماعى، 19-بابىنىڭ 1-تارماعى، 27-بابىنىڭ 2-تارماعىنا سايكەس، سونداي-اق قازاقستان رەسپۋبليكاسىنىڭ «ءدىني قىزمەت تۋرالى» زاڭىنىڭ 3-بابىنىڭ 5.6-تارماعىنا سايكەس نورمالاردى قاراستىرا وتىرىپ، زايىرلى قوعام تالاپتارىن بۇزبايتىن اۋرەتتى جەردى جاۋىپ تۇراتىن ءجىني ورمالا تاعى ءتارتىبىن بەكىتۋىڭىزدى سۇرايمىن.

يگى ىستەرىڭىزدى اللا تاعالا جارىلقاپ، كۇش-قۋات، سابىر جانە دەنساۋلىق بەرسىن. حالىق وزىڭىزبەن بىرگە»،– دەلىنگەن پەتيتسيا ماتىنىندە.

«ادىرنا» ۇلتتىق پورتالى

پىكىرلەر