الماتىلىق جەدەل ۋاكىل پوليتسيا عيماراتىن قالاي قورعاعاندارىن ايتىپ بەردى. بۇل تۋرالى Polisia.kz جازدى، دەپ حابارلايدى «ادىرنا» ءتىلشىسى.
پوليتسەيدىڭ جەكە باسى ونىڭ قىزمەت ەتۋ ەرەكشەلىكتەرىنە بايلانىستى جاريا ەتىلمەيدى.
مايور تارتىپسىزدىكتەر 5 قاڭتار كۇنى تۇستەن كەيىن “الماتى ارەنا” ماڭىندا باستالعانىن ەسكە الدى.
– ارنايى جاساق قىزمەتكەرلەرى وتە اگرەسسيۆتى جانە ەشنارسەگە ارەكەت ەتپەگەن جۇرتتى تىنىشتاندىرۋعا تىرىستى. ولار وت جاعىپ، كوشەنى جاۋىپ تاستادى. ولاردىڭ ماس كۇيىندە ەكەنى كورىنىپ تۇردى. قالاي بولعاندا دا، ءبىز ولارعا جاقىن بولدىق، زومبي تۋرالى قورقىنىشتى فيلمدەگىدەي كوزدەرى قىزارىپ كەتكەن. ولار: “اكىمدىككە بارايىق” دەپ ايقايلاي باستادى. ارتىنشا بۇل توپ تۇگەلدەي اكىمدىككە قاراي بەت الدى. سوققىعا ۇشىراعان، فيزيكالىق زورلىق-زومبىلىق كورگەن، كيىمدەرى جىرتىلعان پوليتسيا قىزمەتكەرلەرىن كوردىك. شەرۋشىلەر ولاردىڭ دۋلىعالارىن، ساۋىتتارى مەن قالقاندارىن الىپ العان. ولار بارلىق كولىكتى، سونىڭ ىشىندە جەدەل جاردەمدى دە توقتاتىپ، ىشىندە پوليتسيا قىزمەتكەرلەرى بار-جوعىن تەكسەردى. ءتىپتى جۇكسالعىشتى اشۋعا ءماجبۇر ەتتى. ءبىز پوليتسيا قىزمەتكەرلەرىن ول جەردەن قالاي دا الىپ كەتۋ كەرەك دەپ شەشتىك، – دەپ ەسكە الدى پوليتسەي.
ال كەشكى ۋاقىتتا جەدەل ۋاكىل لاڭكەستەردىڭ قارۋدى باسىپ الماۋى ءۇشىن پد عيماراتتارىن قورعاۋعا ءماجبۇر بولدى.
– اينالمالى جولدارمەن پوليتسيا دەپارتامەنتىنە ارەڭ جەتتىك. بىزگە نۇسقاۋ بەرىلدى. ءبىز جارىق-شۋلى گراناتالاردى لاقتىرىپ، ەسكەرتۋ جاساي باستادىق. بىراق بۇل ادامدار ەشتەڭەگە جاۋاپ بەرمەدى، ولاردى ەشتەڭە قورقىتپادى. وق جاراقاتىن العان ادام ورنىنان تۇرىپ، دەپارتامەنتكە قاراي ءجۇرۋىن جالعاستىردى. ەكى ادام كەلىپ، جارالىلاردى كوتەرىپ، الىپ كەتتى. تاعى بىرەۋى اۆتوماتىن الىپ، بىزگە قاراي وق اتتى. كولىكتەرمەن جوعارى جىلدامدىقپەن ءوتىپ بارا جاتىپ، وق جاۋدىردى، – دەدى مايور.
سپيكەردىڭ ايتۋىنشا، كۇرەس بارىسىندا اسكەريلەردەن باسىپ الىنعان كاماز كولىگىن جۇرگىزگەن شابۋىلشى جويىلدى. اۋىر تەحنيكانىڭ كومەگىمەن پوليتسياعا شابۋىل جاساۋ ارەكەتى بىرنەشە رەت قايتالاندى.
– ءبىز كاماز-دىڭ قايتادان وتالعانىن ەستىدىك. بىرەۋ تاعى دا ءبىزدىڭ قاقپامىزدى بۇزباق بولدى. ولار ءبىزدىڭ عيماراتقا “مولوتوۆ كوكتەيلدەرىن” قايتا-قايتا لاقتىردى. دەپارتامەنتتىڭ الدىندا ۇلكەن اعاش ءوسىپ تۇر. مولوتوۆ كوكتەيلدەرىنىڭ ءبىرى اعاشتىڭ بۇتاقتارىنا ءىلىنىپ، عيماراتقا جەتپەي قالدى. ادام اگرەسسيۆتى بولدى، بىرىنشىدەن، تولىق قارۋلانعان، بۇل بەيبىت شەرۋ ەمەس ەكەنى بىردەن تۇسىنىكتى بولدى. وسى لاڭكەستەردىڭ شابۋىلىنا تويتارىس بەرە العانىم ءۇشىن پوليتسيا قىزمەتكەرى بولعانىما قۋاندىم. ابىروي بولعاندا، مەن ارىپتەستەرىممەن بىرگە شابۋىلعا تويتارىس بەرىپ، امان قالدىم، – دەپ تۇيىندەدى پوليتسيا قىزمەتكەرى.
«ادىرنا» ۇلتتىق پورتالى
