مۇرات ايتەنوۆ ءبىلىم بەرۋ ۇيىمدارىنىڭ وففلاين رەجيمىنە ءوتۋ دايىندىعىن تەكسەردى

487

شىمكەنت قالاسىنىڭ اكىمى مۇرات ايتەنوۆ قالاداعى بىرقاتار ءبىلىم بەرۋ مەكەمەلەرىنىڭ وففلاين رەجيمىنە ءوتۋ دايىندىعىن تەكسەردى.

قالا اكىمى الدىمەن «ميراس» شاعىناۋدانىنداعى «AI SCHOOL» جەكەمەنشىك ورتا مەكتەبىنە باردى.
2021 جىلى اشىلعان وقۋ ورداسىندا وقۋشىلار 1 اۋىسىمدا ءبىلىم الۋدا. مەكتەپ مۋلتيمەديالى-لينگوفوندى كابينەتپەن، ينتەراكتيۆتى تاقتامەن، بارلىق قاجەتتى قۇرالدارمەن جابدىقتالعان.

شىمكەنت قالاسىندا 2022 جىلدىڭ 24 قاڭتارىنان باستاپ مەنشىك نىسانىنا قاراماستان ءبىلىم الۋشىلار سانى 600-گە دەيىنگى بارلىق باستاۋىش، نەگىزگى جانە جالپى ورتا ءبىلىم بەرەتىن مەكتەپتەردە وقىتۋ شتاتتىق فورماتتا جۇرگىزىلەدى.

مەنشىك نىسانىنا قاراماستان ءبىلىم الۋشىلار سانى 600-دەن اساتىن باستاۋىش، نەگىزگى جانە جالپى ورتا ءبىلىم بەرەتىن مەكتەپتەردە وقىتۋ ءبىر اۋىسىمدا مەكتەپتىڭ جوبالىق قۋاتىنىڭ 50 %-نان اسپايتىن تولىمدىلىقپەن شتاتتىق فورماتتا جۇرگىزىلەدى.

بۇل رەتتە 1-4 سىنىپتاردا (حالىقارالىق مەكتەپتەردە 1-6 سىنىپتاردا) وقىتۋدى شتاتتىق فورماتتا ۇيىمداستىرۋعا باسىمدىق بەرىلەدى.

قالا اكىمى مەكتەپتە كارانتيندىك تالاپتاردى ساقتاپ، وففلاين رەجيمىندە وقۋ پروتسەسىن جۇيەلى ۇيىمداستىرۋدى تاپسىردى.

شىمكەنت قالاسى اكىمدىگىنىڭ ءباسپاسوز قىزمەتى

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket