قازاقستاندىق ايەل كۇيەۋىنەن قىسىم كورىپ، ونىڭ فيزيكالىق كۇش قولدانىپ، بالالارىمەن بىرگە ۇيىنەن قۋىپ جىبەرگەنىن ايتتى، - دەپ حابارلايدى “ادىرنا” ۇلتتىق پورتالى.
الەۋمەتتىك جەلىدەگى پاراقشاسىندا قازاقستاندىق دانا اتەشوۆا ەسىمدى ايەل 12 شىلدە كۇنى بۇرىنعى كۇيەۋى مەن ونىڭ سەنىمدى ادامدارى ءتارتىپ ساقشىلارىنىڭ ىلەسۋىمەن ونى ۇيىنەن قۋىپ شىقپاق بولعانىن حابارلادى. ول “ۇيىمنەن كەتپەيمىن” دەپ شۋ شىعارعان ايەلدى اياعىنان سۇيرەپ، ءۇيدىڭ بوساعاسىنان قۋىپ شىققانىن كورسەتكەن بەينەلەردى جاريالادى. تاعى ءبىر كادرلاردان بەتى اۋزى قان-جوسا بولعان بالالاردى پوليتسيا قىزمەتكەرلەرىنىڭ ۇيدەن الىپ شىعىپ بارا جاتقانىن بايقاۋعا بولادى.
اتەشوۆانىڭ جازبالارىنىڭ استىنداعى پىكىرلەردە جەلى قولدانۋشىلارى جاعدايعا قاراپ تۇرعان ەر-ادامدار مەن پوليتسيانىڭ ارەكەتسىزدىگىنە نارازىلىقتارىن ءبىلدىردى.
بۇعان دەيىن اتەشوۆا شىمكەنتتىڭ بۇرىنعى اكىمى مۇرات ايتەنوۆتىڭ اعاسى دەپ مالىمدەگەن بۇرىنعى كۇيەۋىنىڭ ۇستىنەن بىرنەشە رەت شاعىمدانعان. ونىڭ ايتۋىنشا، 2020 جىلى كۇيەۋىمەن سەنىمحات ارقىلى زاڭسىز اجىراسقان. وسىدان كەيىن، اتەشوۆانىڭ ايتۋىنشا، ەر ادام بالالاردى اسىراۋ ءۇشىن اقشا بەرۋدەن باس تارتتى. سوتتا جەڭىسكە جەتكەننەن كەيىن دە ول ەڭ تومەنگى سومانى عانا تولەگەن.
وتباسى بۇرىنعى كۇيەۋىنىڭ دوسىنىڭ يەلىگىندەگى ۇيدە تۇرادى، بىراق شىن مانىندە ايەلدىڭ ايتۋىنشا، مۇلىك بۇرىنعى كۇيەۋىنە تيەسىلى. 2022 جىلى سوت ونى بالالارىمەن بىرگە ۇيىنەن شىعارۋ تۋرالى شەشىم قابىلدادى.
بەينەجازبالارعا جاۋاپ رەتىندە استانا پوليتسياسى جەكە سوت ورىنداۋشىلارىنىڭ تۇرعىن ۇيدەن شىعارۋ تۋرالى سوت شەشىمىن ورىنداۋ بارىسىندا بۇرىنعى ەرلى-زايىپتىلاردىڭ اراسىندا جانجال ورىن العانىن حابارلادى.
«ا.-نىڭ بۇرىنعى كۇيەۋىنە قاتىستى فيزيكالىق كۇش قولدانۋ فاكتىسى بويىنشا سوتقا دەيىنگى تەرگەۋ باستالدى، ونىڭ قورىتىندىسى بويىنشا پروتسەسسۋالدىق شەشىم قابىلدانادى»، - دەپ قوستى پوليتسيا.
ۇقساس جاڭالىقتار
