توقاەۆ: ەڭ ءبىرىنشى كەزەكتە رەسەيگە وقۋعا جىبەرەمىز

5139

قر پرەزيدەنتى قاسىم-جومارت توقاەۆ ەلىمىزدەگى ءبىلىم بەرۋ سالاسى قايتا قارالاتىنىن مالىمدەدى، دەپ حابارلايدى «ادىرنا» ءتىلشىسى Zakon.kz-كە سىلتەمە جاساپ.

«مەن ءبىزدىڭ ەلدەگى ءبىلىم سالاسىن قايتا فورماتتان وتكىزگىم كەلەدى. ءبىز ەكونوميست، زاڭگەر مەن مەنەدجەر ماماندارىن كوپتەپ شىعارا باستادىق. بىراق بىزگە قازىر ءبىلىمدى تەحنيكالىق رەلسكە ءتۇسىرۋ كەرەك»،– دەدى ول.

سونىمەن قاتار، «بولاشاق» باعدارلاماسىنا وزگەرىس كەرەك ەكەنىن اتاپ ءوتتى.

«ءبىز جاس ازاماتتاردى وقۋعا، ونىڭ ىشىندە رەسەيگە اتتاندىراتىن بولامىز. بالكىم، ەڭ ءبىرىنشى كەزەكتە رەسەيگە، تەحنيكالىق جوعارى وقۋ ورىندارىنا جىبەرۋ كەرەك شىعار. تاياۋدا عانا مەن الەمنىڭ جەتەكشى ەلدەرىنىڭ فيليالدارىن تەحنيكالىق ماماندىقتار بويىنشا اشۋدى تاپسىردىم. قازاقتار، جاس قازاقتار ەڭ الدىمەن تەحنار بولۋى كەرەك. بۇل – مەنىڭ تۇپكى بايلامىم»،– دەدى پرەزيدەنت.

ول وسى ماسەلە جونىندە ۇكىمەتكە ەگجەي-تەگجەيلى پىسىقتاۋدى تاپسىردى. سونداي-اق، مەملەكەت باسشىسى كاسىپكەرلەرگە قاراپايىم وتباسىنان شىققان بالالارعا قولداۋ كورسەتۋدى ۇسىندى.

«ەگەر ءاربىر قارجىلىق ونەركاسىپتىك توپ زاماناۋي زاۋىت ورناتسا، اۋىلداردان، قالا ماڭىنان، ءىرى قالالاردان كەلگەن 1000 قاراپايىم بالانى وقىتسا، ولارعا جاقسى جانە ادال اقشا تابۋعا مۇمكىندىك بەرسە، بۇل الەۋمەتتىك تۇراقتىلىقتىڭ ماڭىزدى كەپىلى بولار ەدى. بيزنەستىڭ ءبىر جاۋاپكەرشىلىگى بولۋى كەرەك. بۇل ءۇشىن سىزدەردە ءبارى بار: كاپيتال، تاجىريبە، مەنەدجەرلەر توبى، نارىقتىڭ شىنايى كورىنىسى»،– دەپ تۇيىندەدى توقاەۆ.

«ادىرنا» ۇلتتىق پورتالى

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket