قازاقستاندا نان ءوندىرىسى تومەندەدى. 2021 جىلعى قاڭتاردان قاراشاعا دەيىن ەلدە ءبىر جىل بۇرىنعىعا قاراعاندا 14,8 پايىزعا از نان ءوندىرىلدى، - دەپ حابارلايدى “ادىرنا” ۇلتتىق پورتالى energyprom.kz سايتىنا سىلتەمە جاساپ.
ساراپشىلار 2021 جىلدىڭ قاڭتارىنان قاراشاسىنا دەيىن ەلدە 483,6 مىڭ توننا نان وندىرىلگەنىن، بۇل ءبىر جىل بۇرىنعىعا قاراعاندا 15 پايىزعا از ەكەنىن ايتتى. ەڭ كوپ نان تۇركىستان وبلىسىندا وندىرىلگەن: 119,8 مىڭ توننا. جەتەكشى ۇشتىككە الماتى (56,8 مىڭ توننا) جانە اقتوبە وبلىسى (46,6 مىڭ توننا) كىرەدى. تالداۋدا 2020 جىلى نان ءوندىرىسى 4,2 پايىزعا تومەندەگەنى جانە بۇل بەسىنشى جىل قاتارىنان جالعاسىپ كەلە جاتقانى كورسەتىلگەن.
2021 جىلدىڭ جەلتوقسانىندا نان باعاسى ءبىر جىلدا 7,4 پايىزعا جانە ءبىر ايدا 0,4 پايىزعا ءوستى. ونىڭ ىشىندە قارا بيداي نانى جىلىنا 11,6 پايىزعا، جوعارى سۇرىپتى بيداي نانى - 7,4 پايىزعا، ءبىرىنشى سۇرىپتى ۇننان - 6,9 پايىزعا قىمباتتاعان.
وڭىرلەر اراسىندا ءبىر جىل ىشىندە نان نۇر-سۇلتان (19,3 پايىز), سونداي-اق سولتۇستىك قازاقستان (14 پايىز) جانە اقمولا (12,8 پايىز) وبلىستارىندا قىمباتتاعان. ءىرى قالالار ىشىندە ەڭ قىمبات نان ەلوردادا، جوعارى سۇرىپتى ۇننان جاسالعان ەڭ ارزان بيداي نانى - اقتوبەدە.
2021 جىلدىڭ ءۇشىنشى توقسانىندا ءبىر ادامعا نان تۇتىنۋ ءبىرىنشى سۇرىپتى ۇننان 8,5 كيلوگرامم بيداي نانى، 700 گرامم قارا بيداي جانە قارا بيداي نانى بولدى.
“ادىرنا” ۇلتتىق پورتالى
