Qazaqstanda nan óndirisi tómendedi. 2021 jylǵy qańtardan qarashaǵa deıin elde bir jyl burynǵyǵa qaraǵanda 14,8 paıyzǵa az nan óndirildi, - dep habarlaıdy “Adyrna” ulttyq portaly energyprom.kz saıtyna silteme jasap.
Sarapshylar 2021 jyldyń qańtarynan qarashasyna deıin elde 483,6 myń tonna nan óndirilgenin, bul bir jyl burynǵyǵa qaraǵanda 15 paıyzǵa az ekenin aıtty. Eń kóp nan Túrkistan oblysynda óndirilgen: 119,8 myń tonna. Jetekshi úshtikke Almaty (56,8 myń tonna) jáne Aqtóbe oblysy (46,6 myń tonna) kiredi. Taldaýda 2020 jyly nan óndirisi 4,2 paıyzǵa tómendegeni jáne bul besinshi jyl qatarynan jalǵasyp kele jatqany kórsetilgen.
2021 jyldyń jeltoqsanynda nan baǵasy bir jylda 7,4 paıyzǵa jáne bir aıda 0,4 paıyzǵa ósti. Onyń ishinde qara bıdaı nany jylyna 11,6 paıyzǵa, joǵary surypty bıdaı nany - 7,4 paıyzǵa, birinshi surypty unnan - 6,9 paıyzǵa qymbattaǵan.
Óńirler arasynda bir jyl ishinde nan Nur-Sultan (19,3 paıyz), sondaı-aq Soltústik Qazaqstan (14 paıyz) jáne Aqmola (12,8 paıyz) oblystarynda qymbattaǵan. Iri qalalar ishinde eń qymbat nan elordada, joǵary surypty unnan jasalǵan eń arzan bıdaı nany - Aqtóbede.
2021 jyldyń úshinshi toqsanynda bir adamǵa nan tutyný birinshi surypty unnan 8,5 kılogramm bıdaı nany, 700 gramm qara bıdaı jáne qara bıdaı nany boldy.
“Adyrna” ulttyq portaly
