شىمكەنت قالاسىندا جەرگىلىكتى تۇرعىندارمەن كەرى بايلانىستى كۇشەيتۋ ماقساتىندا WhatsApp جەلىسىندە «جەدەل ارەكەت ەتۋ» توبى قۇرىلدى. بۇل باستاما شىمكەنت قالالىق پوليتسيا دەپارتامەنتىنىڭ باسشىسى ەرالى جۋماحانبەتوۆتىڭ جەكە تاپسىرماسى اياسىندا قولعا الىندى.
وندا باق وكىلدەرى مەن قوعام بەلسەندىلەرى، جەرگىلىكتى تۇرعىندار قالا اۋماعىندا ورىن العان قۇقىق بۇزۋشىلىقتاردى فوتو نەمەسە بەينەجازباعا ءتۇسىرىپ، چاتقا جىبەرەدى. جولدانعان اقپاراتتىڭ نەگىزىندە پوليتسيا قىزمەتكەرلەرى بولعان جايتتاردى دەر كەزىندە تەكسەرىپ، زاڭدى شەشىم قابىلدايدى.
سونىمەن قاتار، باسقارما باسشىسى اپتا سايىن وتەتىن دەپارتامەنت باستىعىنىڭ ارىزدانۋشىلاردى جەكە قابىلداۋىنىڭ بارىسى تۇراقتى تۇردە فەيسبۋك الەۋمەتتىك جەلىسىنىڭ تىكەلەي ەفيرىندە اشىق كورسەتتى جانە شالعاي ورنالاسقان ەلدىمەكەندەردىڭ تۇرعىندارىمەن ارنايى بارىپ كەزدەسۋلەر ۇيىمداستىردى.
بۇل پوليتسيا دەپارتامەنتىنىڭ اشىق ءارى جاريالى تۇردە قىزمەت اتقارىپ، حالىققا ەتەنە جاقىنداي ءتۇسىپ، قىزمەتتەگى مولدىرلىكتى قامتاماسىز ەتتى.
