قىزىلوردادا 3-سىنىپ وقۋشىلارى تومەنگى سىنىپ وقۋشىسىن سوققىعا جىققان

"مەنىڭ ويىمشا، ءبارى قىسىم كورسەتكەسىن وسىلاي جاسادى. ول بولعان جاعدايدى انىقتاۋ ءۇشىن مەكتەپكە جالعىز باردى. مەن سول كۇنى بىرگە بارا المادىم. مۇعالىمدەر كىنالى ۇلدارمەن سويلەسكەندەرىن، بۇدان بىلاي قايتالانبايتىنىن ايتقان. قىزىم سەنىپ، سولاي قالدىرعان", - دەيدى گۇلناز قاليەۆا.

اجەسىنە بۇل جاعدايدى قابىلداۋ قيىن بولعان. قازىر بالا ۇيدە، جۇرگەندە قيىنسىنادى. اجەسىنىڭ ايتۋىنشا، پسيحولوگيالىق تۇرعىدان دا قيىن.

"مەن ونىڭ نەگە توتەپ بەرگەنىن ەلەستەتە المايمىن. ول دارەتحاناعا سۇرانعان. ونى 3-سىنىپتىڭ ەكى وقۋشىسى شاقىرىپ، سپورتزالعا اپارعان. وندا اپارىپ، تەپكىلەگەن. ول كەيىن 20-عا دەيىن، سودان كەيىن تاعى دا ساناپ، وسىلاي جاساعاندارىن، كەلەكە قىلىپ كۇلگەندەرىن ايتتى. ۇلدار ونى ەشكىمگە ايتپاسىن دەپ قورقىتقان. ەگەر ايتسا، ودان دا قاتتى ۇرىپ-سوعاتىندارىن ايتقان. مەكتەپتە ول اقساڭداپ جۇرگەن، بىراق مۇنى مۇعالىمدەردىڭ ەشقايسىسى، سىنىپ جەتەكشىسى دە بايقاماعان. تەك ۇيدە قىزىم سۇراعاننان كەيىن ايتتى. بالالار اۋرۋحاناسىنا اپارىپ، رەنتگەنگە تۇسىردىك. دياگنوزى - ەكى تىزەسىنىڭ جاراقاتى. ۇيدە ەمدەلەدى، تىزەسىنە زاقىم كەلمەدى مە دەپ قورقامىن. بەيبىت كۇندە مەكتەپ قابىرعاسىندا نە بولىپ جاتىر؟", - دەدى اجەسى.

قىزىلوردا وبلىستىق پوليتسيا دەپارتامەنتىنىڭ ءباسپاسوز قىزمەتى وكىلى بۇل ءىس باقىلاۋعا الىنعانىن ايتتى.

"قىزىلوردا قالاسى پب يۋۆەنالدى پوليتسيا قىزمەتكەرلەرى تەكسەرىس جۇرگىزىپ جاتىر. جاعداي باقىلاۋعا الىندى", - دەدى پوليتسيا قىزمەتكەرى.

قالالىق ءبىلىم بولىمىندە دە وقيعانىڭ ءمان-جايى انىقتالاتىنى ايتىلدى.

"بۇل ماسەلە باقىلاۋعا الىندى. ناتيجەسى قوسىمشا حابارلانادى", - دەدى قالالىق ءبىلىم ءبولىمىنىڭ قىزمەتكەرلەرى.

”ادىرنا” ۇلتتىق پورتالى