ەسكى جاڭا جىلدىڭ قۇرمەتىنە مينسكىدە وتكەن جيىندا بەلارۋس پرەزيدەنتى الەكساندر لۋكاشەنكو كوسىلىپ ءبىراز اڭگىمە ايتتى. اراسىندا الماتىداعى «قارالى قاڭتار» قاسىرەتى جايلى دا ءسوز بولدى، دەپ حابارلادى “ادىرنا” ۇلتتىق پورتالى Atameken Business-كە سىلتەمە جاساپ.
بەلارۋس كوشباسشىسى قوپاڭداپ، ويىنا كەلگەنىن بەي-بەرەكەت ايتاتىن مىنەزىن تاعى دا كورسەتتى. ونىڭ سوزىنشە، قازاقستاندى شايقاعاندار – باتىس ەلدەرى. كوزگە كورىنبەي، استىرتىن تۇردە بۇلىك ۇيىمداستىرۋداعى ماقسات – قازاقستاندى شايقاۋ ارقىلى بۇكىل تمد-عا توپالاڭ ۇيىمداستىرۋ.
لۋكاشەنكونىڭ سوزىنشە، باتىس ەلدەرى 2020 جىلى بەلارۋس رەسپۋبليكاسىن دا جاعادان العان، بىراق بەلارۋستار ولاردىڭ «مۇيىزدەرىن قاعىپ» العاننان كەيىن ەندى قازاقستانمەن اينالىسۋعا كوشتى. بەلارۋس پرەزيدەنتىنىڭ پايىمىنشا، ەكى جاقتاعى وقيعا ءبىر-بىرىنە ۇقساس.
