Eski jańa jyldyń qurmetine Mınskide ótken jıynda Belarýs prezıdenti Aleksandr Lýkashenko kósilip biraz áńgime aıtty. Arasynda Almatydaǵy «qaraly qańtar» qasireti jaıly da sóz boldy, dep habarlady “Adyrna” ulttyq portaly Atameken Business-ke silteme jasap.
Belarýs kóshbasshysy qopańdap, oıyna kelgenin beı-bereket aıtatyn minezin taǵy da kórsetti. Onyń sózinshe, Qazaqstandy shaıqaǵandar – Batys elderi. Kózge kórinbeı, astyrtyn túrde búlik uıymdastyrýdaǵy maqsat – Qazaqstandy shaıqaý arqyly búkil TMD-ǵa topalań uıymdastyrý.
Lýkashenkonyń sózinshe, Batys elderi 2020 jyly Belarýs respýblıkasyn da jaǵadan alǵan, biraq belarýstar olardyń «múıizderin qaǵyp» alǵannan keıin endi Qazaqstanmen aınalysýǵa kóshti. Belarýs prezıdentiniń paıymynsha, eki jaqtaǵy oqıǵa bir-birine uqsas.
