اعىمداعى جىلدىڭ 11 قاڭتارىندا ۇكىمەتتىڭ جاڭا قۇرامى بەكىتىلىپ، بىرقاتار مينيستر اۋىسقان ەدى. وسىعان بايلانىستى ranking.kz مينيسترلەردىڭ جاسى بويىنشا سالىستىرمالى تالداۋ جاسادى، دەپ حابارلايدى «ادىرنا» ءتىلشىسى.
ۇكىمەتتىڭ جاڭا قۇرامى بەكىتىلگەننەن كەيىن قازاقستاندىق مينيسترلەردىڭ ورتاشا جاسى 48,9 جاستى قۇرادى. ءبىر جىل بۇرىن بۇل كورسەتكىش 48 جاس بولعان ەدى.
سالىستىرۋ ءۇشىن ەاەو ەلدەرىندەگى مينيسترلەردىڭ ورتاشا جاسىن قاراستىرايىق:
* رەسەيدە-53,6 جىل;
* بەلارۋسسيادا-51,2 جىل;
* قىرعىزستاندا-50,7 جىل;
* ارمەنيادا-45,7 جىل.ال ەەك ەلدەرىنىڭ بارلىق ءمينيسترىنىڭ ورتاشا جاسى - 50,5 جىل.
ەاەو ەلدەرىنىڭ ەڭ جاس ءمينيسترى ارمەنيادا تۇرادى. ول 32 جاستاعى ەڭبەك جانە الەۋمەتتىك ماسەلەلەر ءمينيسترى – نارەك مكرتچيان. سونداي-اق، قىرعىزستان مينيسترلەرىن، ونىڭ ىشىندە مادەنيەت، اقپارات، سپورت جانە جاستار ساياساتى ءمينيسترى ازامات قاپارۇلى جامانقۇلوۆ (34 جاس) پەن تسيفرلىق دامۋ ءمينيسترى تالانتبەك ورۋسقۇلۇلى يمانوۆتى (35 جاس ) اتاپ وتۋگە بولادى.
ەاەو ەلدەرىندەگى ەڭ جاسى ۇلكەن باسشى بولىپ رەسەي مينيسترلەرى ەسەپتەلەدى: سىرتقى ىستەر ءمينيسترى سەرگەي ۆيكتوروۆيچ لاۆروۆ (71 جاس), ەنەرگەتيكا ءمينيسترى نيكولاي گريگورەۆيچ شۋلگينوۆ (70 جاس) جانە كولىك ءمينيسترى ۆيتالي گەننادەۆيچ ساۆەلەۆ (68 جاس).
قازاقستاندا ىشكى ىستەر مينيسترلىگىن ەڭ قارت مينيستر باسقارادى. ول – تۇرعىمباەۆ ەرلان زامانبەكۇلى (59 جاس).
ەلىمىزدىڭ ەڭ جاس ءمينيسترى ۇلتتىق ەكونوميكا مينيسترلىگىن باسقاردى: الىبەك ساكەنۇلى قۋانتىروۆ(38 جاستا).
سونداي-اق ەڭ جاس ۇشتىككە تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات باتىربەكۇلى مۋسين (38 جاس) جانە ءبىلىم جانە عىلىم ءمينيسترى اسحات قاناتۇلى ايماعامبەتوۆ (39 جاس) كىردى.
«ادىرنا» ۇلتتىق پورتالى
