"ەلباسىنا ەشكىمنىڭ تيىسۋىنە بولمايدى": نازارباەۆ پەن ونىڭ وتباسىنىڭ ارتىقشىلىقتارى

14009
فوتو: StanRadar
فوتو: StanRadar

قازاقستاندا سوناۋ 2000 جىلى وعان جانە ونىڭ وتباسىنا قاي تۇرعىدان بولماسىن تولىقتاي كەپىلدىك بەرەتىن «قازاقستان رەسپۋبليكاسىنىڭ تۇڭعىش پرەزيدەنتى تۋرالى» كونستيتۋتسيالىق زاڭ قابىلدانعان بولاتىن.

ەشكىمنىڭ تيىسپەۋى: ەلباسى جاۋاپكەرشىلىككە تارتىلمايدى

«قازاقستان رەسپۋبليكاسىنىڭ تۇڭعىش پرەزيدەنتى تۋرالى» زاڭدا ەلباسىعا (ۇلت كوشباسشىسىنىڭ) ەشكىمنىڭ تيىسە المايتىنى جانە ول ەلباسى دەگەن ءوز مارتەبەسىن جۇزەگە اسىرۋعا بايلانىستى ارەكەتتەرى ءۇشىن جاۋاپتىلىققا تارتىلمايتىنى جازىلعان.

تۇڭعىش پرەزيدەنت مەملەكەت باسشىسى قىزمەتىنەن كەتكەننەن كەيىن دە قازاقستان رەسپۋبليكاسىنىڭ تۇڭعىش پرەزيدەنتى – ەلباسى مارتەبەسىن جۇزەگە اسىرۋعا بايلانىستى ارەكەتتەرى ءۇشىن جاۋاپ بەرە المايدى. ونى ۇستاپ الۋعا، قاماققا الۋعا جانە كۇزەتپەن ۇستاۋعا، تىنتۋگە، ودان جاۋاپ الۋعا نە جەكە باسىن جەتە تەكسەرۋگە بولمايدى.

سونىمەن قاتار، قازاقستان رەسپۋبليكاسىنىڭ تۇڭعىش پرەزيدەنتى – ەلباسىنا جانە ونىمەن بىرگە تۇراتىن وتباسى مۇشەلەرىنە جەكە مەنشىك قۇقىعىنداعى بارلىق مۇلىككە قول سۇعىلمايدى.

تيىسپەۋشىلىك قازاقستان رەسپۋبليكاسىنىڭ تۇڭعىش پرەزيدەنتىنە – ەلباسىنا جانە ونىمەن بىرگە تۇراتىن وتباسى مۇشەلەرىنە جەكە مەنشىك قۇقىعىمەن تيەسىلى بارلىق مۇلىككە، سونداي-اق ولار پايدالاناتىن تۇرعىن جانە قىزمەتتىك ءۇي-جايلارعا، قىزمەتتىك كولىككە، بايلانىس قۇرالدارىنا، جازىسقان حاتتارىنا، ولارعا تيەسىلى قۇجاتتارعا قولدانىلادى. تيىسپەۋشىلىك قازاقستان رەسپۋبليكاسى تۇڭعىش پرەزيدەنتىنىڭ – ەلباسىنىڭ قورىنا جانە ول قۇراتىن وزگە دە زاڭدى تۇلعالارعا تيەسىلى مۇلىككە دە قولدانىلادى.

ەلباسىنىڭ جانە ونىمەن بىرگە تۇراتىن وتباسى مۇشەلەرىنىڭ جەكە مەنشىگىندەگى مۇلىككە، سونداي-اق ول قۇرعان زاڭدى تۇلعالاردىڭ مۇلكىنە قانداي دا ءبىر شەكتەۋلەر قويۋعا بولمايدى.

قازاقستان رەسپۋبليكاسى تۇڭعىش پرەزيدەنتىنىڭ – ەلباسىنىڭ جانە ونىمەن بىرگە تۇراتىن وتباسى مۇشەلەرىنىڭ بانكتىك شوتتارىنىڭ بانكتىك قۇپيالىعىنا جانە ولارعا تيىسپەۋشىلىككە كەپىلدىك بەرىلەدى.

نازارباەۆ پەن ونىڭ وتباسىنىڭ ءومىر بويى قاۋىپسىزدىگى

قازاقستان رەسپۋبليكاسىنىڭ تۇڭعىش پرەزيدەنتى – ەلباسىن قورعاۋ قازاقستان رەسپۋبليكاسى مەملەكەتتىك كۇزەت قىزمەتىنىڭ ءتيىستى بولىمشەسىنە جۇكتەلدى.

تۇڭعىش پرەزيدەنت تۇراقتى نەمەسە ۋاقىتشا تۇراتىن جەرىندە ءومىر بويى مەملەكەتتىك قورعاۋعا الىنادى.

مەملەكەتتiك قورعاۋ قازاقستان رەسپۋبليكاسى تۇڭعىش پرەزيدەنتiنiڭ ءوز وكiلەتتiگiن جۇزەگە اسىرۋىن توقتاتقان، ونىمەن نەمەسە ونىڭ اينالاسىنداعى ادامدارمەن بiرگە تۇراتىن وتباسى مۇشەلەرiنە دە قامتاماسىز ەتiلەدi.

ەلباسى نازارباەۆتىڭ ءومىرى مەن دەنساۋلىعى ساقتاندىرىلعان

وكىلەتتىگىن جۇزەگە اسىرۋدى توقتاتقان قازاقستان رەسپۋبليكاسىنىڭ تۇڭعىش پرەزيدەنتى – ەلباسى جاسىنا قاراماستان قازاقستان پرەزيدەنتىنىڭ ايلىق لاۋازىمدىق جالاقىسىنىڭ 80 پايىزى مولشەرىندە اي سايىنعى زەينەتاقى الۋعا قۇقىلى. ەلباسىنىڭ زەينەتاقىسى ەل پرەزيدەنتىنىڭ لاۋازىمدىق جالاقىسىنىڭ ءوسۋىن ەسكەرە وتىرىپ وسىرىلەدى.

وكiلەتتiگiن جۇزەگە اسىرۋدى توقتاتقان تۇڭعىش پرەزيدەنتتiڭ ءومiرi مەن دەنساۋلىعى قازاقستان پرەزيدەنتiنiڭ جىل سايىنعى لاۋازىمدىق جالاقىسىنا تەڭ مولشەردە رەسپۋبليكالىق بيۋدجەت قاراجاتى ەسەبiنەن مiندەتتi مەملەكەتتiك ساقتاندىرۋعا جاتادى.

ونىمەن بىرگە تۇرعان ەلباسى وتباسىنىڭ ءاربىر مۇشەسىنە ول قايتىس بولعان كۇنى قازاقستان رەسپۋبليكاسىنىڭ زاڭناماسىندا بەلگىلەنگەن جاسىنا بايلانىستى ەڭ تومەنگى زەينەتاقىنىڭ 10 ەسەلەنگەن مولشەرىندە ءومىر بويىنا اي سايىنعى جاردەماقى تاعايىندالادى.

سونىمەن قاتار، ەلباسى مەن ونىڭ وتباسى مۇشەلەرى ءبىرىنشى پرەزيدەنت مەملەكەت باسشىسى قىزمەتىن توقتاتقان كەزدە كورسەتىلگەن كولەمدە تەگىن مەديتسينالىق كومەك پەن ساناتوريالىق-كۋرورتتىق ەمدەلۋگە قۇقىلى.

نازارباەۆتىڭ شىعىنىن كىم تولەيدى؟

كونستيتۋتسيالىق زاڭعا سايكەس وسى كونستيتۋتسيالىق زاڭدا كوزدەلگەن شىعىستاردى قارجىلاندىرۋ، ونىڭ ىشىندە قوردى تولىقتىرۋ مەن كۇتىپ-ۇستاۋعا جانە ونىڭ ءۇي-جايلارىن كۇزەتۋگە، قازاقستان رەسپۋبليكاسى تۇڭعىش پرەزيدەنتىنىڭ جەكە كىتاپحاناسى مەن جەكە مۇراعاتىن ساقتاۋعا جۇمسالادى جانە شىعىندار رەسپۋبليكالىق بيۋدجەت ەسەبىنەن جۇزەگە اسىرىلادى.

نۇرسۇلتان نازارباەۆقا جانە ونىمەن بىرگە تۇراتىن وتباسى مۇشەلەرىنە تۇرعىن ءۇي، ەمدەۋ، ساناتوري-كۋرورتتىق، كولىك جانە باسقا دا قىزمەتتەردى ۋاكىلەتتى مەملەكەتتىك ورگاندار قامتاماسىز ەتەدى.

"ادىرنا" ۇلتتىق پورتالى

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket