Qazaqstanda sonau 2000 jyly oǧan jäne onyŋ otbasyna qai tūrǧydan bolmasyn tolyqtai kepıldık beretın «Qazaqstan Respublikasynyŋ Tūŋǧyş Prezidentı turaly» konstitusiialyq zaŋ qabyldanǧan bolatyn.
Eşkımnıŋ tiıspeuı: Elbasy jauapkerşılıkke tartylmaidy
«Qazaqstan Respublikasynyŋ Tūŋǧyş Prezidentı turaly» Zaŋda Elbasyǧa (Ūlt Köşbasşysynyŋ) eşkımnıŋ tiıse almaityny jäne ol Elbasy degen öz märtebesın jüzege asyruǧa bailanysty äreketterı üşın jauaptylyqqa tartylmaityny jazylǧan.
Tūŋǧyş Prezident memleket basşysy qyzmetınen ketkennen keiın de Qazaqstan Respublikasynyŋ Tūŋǧyş Prezidentı – Elbasy märtebesın jüzege asyruǧa bailanysty äreketterı üşın jauap bere almaidy. Ony ūstap aluǧa, qamaqqa aluǧa jäne küzetpen ūstauǧa, tıntuge, odan jauap aluǧa ne jeke basyn jete tekseruge bolmaidy.
Sonymen qatar, Qazaqstan Respublikasynyŋ Tūŋǧyş Prezidentı – Elbasyna jäne onymen bırge tūratyn otbasy müşelerıne jeke menşık qūqyǧyndaǧy barlyq mülıkke qol sūǧylmaidy.
Tiıspeuşılık Qazaqstan Respublikasynyŋ Tūŋǧyş Prezidentıne – Elbasyna jäne onymen bırge tūratyn otbasy müşelerıne jeke menşık qūqyǧymen tiesılı barlyq mülıkke, sondai-aq olar paidalanatyn tūrǧyn jäne qyzmettık üi-jailarǧa, qyzmettık kölıkke, bailanys qūraldaryna, jazysqan hattaryna, olarǧa tiesılı qūjattarǧa qoldanylady. Tiıspeuşılık Qazaqstan Respublikasy Tūŋǧyş Prezidentınıŋ – Elbasynyŋ qoryna jäne ol qūratyn özge de zaŋdy tūlǧalarǧa tiesılı mülıkke de qoldanylady.
Elbasynyŋ jäne onymen bırge tūratyn otbasy müşelerınıŋ jeke menşıgındegı mülıkke, sondai-aq ol qūrǧan zaŋdy tūlǧalardyŋ mülkıne qandai da bır şekteuler qoiuǧa bolmaidy.
Qazaqstan Respublikasy Tūŋǧyş Prezidentınıŋ – Elbasynyŋ jäne onymen bırge tūratyn otbasy müşelerınıŋ banktık şottarynyŋ banktık qūpiialyǧyna jäne olarǧa tiıspeuşılıkke kepıldık berıledı.
Nazarbaev pen onyŋ otbasynyŋ ömır boiy qauıpsızdıgı
Qazaqstan Respublikasynyŋ Tūŋǧyş Prezidentı – Elbasyn qorǧau Qazaqstan Respublikasy Memlekettık küzet qyzmetınıŋ tiıstı bölımşesıne jükteldı.
Tūŋǧyş Prezident tūraqty nemese uaqytşa tūratyn jerınde ömır boiy memlekettık qorǧauǧa alynady.
Memlekettik qorǧau Qazaqstan Respublikasy Tūŋǧyş Prezidentiniŋ öz ökilettigin jüzege asyruyn toqtatqan, onymen nemese onyŋ ainalasyndaǧy adamdarmen birge tūratyn otbasy müşelerine de qamtamasyz etiledi.
Elbasy Nazarbaevtyŋ ömırı men densaulyǧy saqtandyrylǧan
Ökılettıgın jüzege asyrudy toqtatqan Qazaqstan Respublikasynyŋ Tūŋǧyş Prezidentı – Elbasy jasyna qaramastan Qazaqstan Prezidentınıŋ ailyq lauazymdyq jalaqysynyŋ 80 paiyzy mölşerınde ai saiynǧy zeinetaqy aluǧa qūqyly. Elbasynyŋ zeinetaqysy el Prezidentınıŋ lauazymdyq jalaqysynyŋ ösuın eskere otyryp ösırıledı.
Ökilettigin jüzege asyrudy toqtatqan tūŋǧyş prezidenttiŋ ömiri men densaulyǧy Qazaqstan Prezidentiniŋ jyl saiynǧy lauazymdyq jalaqysyna teŋ mölşerde respublikalyq biudjet qarajaty esebinen mindetti memlekettik saqtandyruǧa jatady.
Onymen bırge tūrǧan Elbasy otbasynyŋ ärbır müşesıne ol qaitys bolǧan künı Qazaqstan Respublikasynyŋ zaŋnamasynda belgılengen jasyna bailanysty eŋ tömengı zeinetaqynyŋ 10 eselengen mölşerınde ömır boiyna ai saiynǧy järdemaqy taǧaiyndalady.
Sonymen qatar, Elbasy men onyŋ otbasy müşelerı bırınşı prezident memleket basşysy qyzmetın toqtatqan kezde körsetılgen kölemde tegın medisinalyq kömek pen sanatoriialyq-kurorttyq emdeluge qūqyly.
Nazarbaevtyŋ şyǧynyn kım töleidı?
Konstitusiialyq zaŋǧa säikes osy Konstitusiialyq zaŋda közdelgen şyǧystardy qarjylandyru, onyŋ ışınde qordy tolyqtyru men kütıp-ūstauǧa jäne onyŋ üi-jailaryn küzetuge, Qazaqstan Respublikasy Tūŋǧyş Prezidentınıŋ jeke kıtaphanasy men jeke mūraǧatyn saqtauǧa jūmsalady jäne şyǧyndar respublikalyq biudjet esebınen jüzege asyrylady.
Nūrsūltan Nazarbaevqa jäne onymen bırge tūratyn otbasy müşelerıne tūrǧyn üi, emdeu, sanatorii-kurorttyq, kölık jäne basqa da qyzmetterdı uäkılettı memlekettık organdar qamtamasyz etedı.
"Adyrna" ūlttyq portaly
