ءماجىلىس دەپۋتاتى ءمادي احمەت ءوزىنىڭ Instagram-داعى پاراقشاسىندا قاڭتار ايىندا بولعان دۇربەلەڭ تۋرالى پىكىر ءبىلدىردى. ول جازباسىندا كوپشىلىكتى بىرلىككە شاقىرىپ، بەيبىتشىلىك باستى باقىت ەكەنىن ايتتى، دەپ حابارلايدى "ادىرنا" ۇلتتىق پورتالى.
وسى ورايدا ول ءدال قازىر جەرگە، ۇلتقا، پارتياعا ءبولىنىپ، ءبىر-ءبىرىمىزدى ايىپتايتىن ۋاقىت ەمەستىگىن، بىرلىگىمىزدى تاعى ءبىر مارتە كورسەتەتىن تاعدىرشەشتى كەزەڭ ەكەنىن اتاپ ءوتتى.
- بۇل رەتتە، ءبىزدىڭ پارتيالاستار، جاستار قاناتى ءار ايماقتا شتاب قۇرىپ، مۇقتاجدارعا، اسكەريلەرگە كومەك كورسەتۋدە. تىزبەكتەي بەرسەم، اتقارىلىپ جاتقان جۇمىس از ەمەس. كۇنى كەشە ءماجىلىس قابىرعاسىندا ءسوز سويلەگەن پرەزيدەنتىمىز جاستارعا ەرەكشە نازار اۋداردى. اتاپ ايتسام، جۇمىسسىزدىقتى ازايتۋدى، جۇمىسپەن قامتۋ باعدارلامالارىن جەتىلدىرۋدى، الەمدىك جاڭا وقۋ ورىندارىن اشۋدى تاپسىردى. ءوز كەزەگىندە ەلىمىزدىڭ جاستار ساياساتى جۇيەلى رەفورمانى قاجەت ەتەتىنىن پارتيا جانىنداعى جاستار كەڭەسىنىڭ ءار وتىرىسىندا ناقتى ۇسىنىستارمەن دايەكتەپ كوتەرىپ كەلدىك. ەندى ءىس جۇزىندەگى وزگەرىستەرگە كوشۋىمىز قاجەت. ەلىمىز جاڭارار، سانامىز وزگەرەر، ءبارى قالىپقا قەلەر. باستىسى – ەلدىگىمىزدى ساقتاۋ جولىندا ارانداتۋشىلىققا جول بەرمەي، ەڭبەك ەتۋ. ەل امان، جۇرت تىنىش بولسىن!، - دەپ جازدى ءمادي احمەت.
پوسموترەت ەتۋ پۋبليكاتسيۋ ۆ Instagram
