"Dál qazir bir-birimizdi aıyptaıtyn ýaqyt emes" - Mádı Ahmet mańyzdy úndeý jasady

9077
Adyrna.kz Telegram

Májilis depýtaty Mádı Ahmet óziniń Instagram-daǵy paraqshasynda qańtar aıynda bolǵan dúrbeleń týraly pikir bildirdi. Ol jazbasynda kópshilikti birlikke shaqyryp, beıbitshilik basty baqyt ekenin aıtty, dep habarlaıdy "Adyrna" ulttyq portaly. 

Osy oraıda ol dál qazir jerge, ultqa, partııaǵa bólinip, bir-birimizdi aıyptaıtyn ýaqyt emestigin, birligimizdi taǵy bir márte kórsetetin taǵdyrsheshti kezeń ekenin atap ótti.

- Bul rette, bizdiń partııalastar, jastar qanaty ár aımaqta shtab quryp, muqtajdarǵa, áskerılerge kómek kórsetýde. Tizbekteı bersem, atqarylyp jatqan jumys az emes. Kúni keshe Májilis qabyrǵasynda sóz sóılegen Prezıdentimiz jastarǵa erekshe nazar aýdardy. Atap aıtsam, jumyssyzdyqty azaıtýdy, jumyspen qamtý baǵdarlamalaryn jetildirýdi, álemdik jańa oqý oryndaryn ashýdy tapsyrdy. Óz kezeginde elimizdiń jastar saıasaty júıeli reformany qajet etetinin partııa janyndaǵy jastar keńesiniń ár otyrysynda naqty usynystarmen dáıektep kóterip keldik. Endi is júzindegi ózgeristerge kóshýimiz qajet. Elimiz jańarar, sanamyz ózgerer, bári qalypqa qeler. Bastysy – eldigimizdi saqtaý jolynda arandatýshylyqqa jol bermeı, eńbek etý. El aman, jurt tynysh bolsyn!, -  dep jazdy Mádı Ahmet.

 

Posmotret etý pýblıkaııý v Instagram

 

Pýblıkaııa ot Madi AKHMET (@madi_akhmet)

Pikirler