قازاقستان حالقىنا" قوعامدىق قورىنىڭ قامقورشىلىق كەڭەسىنىڭ مۇشەسى، قازاقستاندىق ەكونوميست ولجاس قۇدايبەرگەنوۆ قورعا ءبىر كۇندىك جالاقىنى اۋدارۋ ۇردىسىنە قاتىستى پىكىر ءبىلدىردى. ول ءوزىنىڭ Facebook-پاراقشاسىندا بۇل تاجىريبەنى توقتاتۋ كەرەك ەكەنىن ايتتى، دەپ حابارلايدى "ادىرنا" ۇلتتىق پورتالى.
ەكونوميست حالىق "قازاقستان حالقىنا" قورىنا اقشا اۋدارماي، كەرىسىنشە الۋ كەرەك ەكەنىن ايتتى.
- مەملەكەتتىك قىزمەتشىلەر نەمەسە جەكە كومپانيالار ءبىر كۇندىك جالاقىسىن اۋداراتىن ءۇردىس بايقالادى (قورعا - ەسك.). بۇل قور مۇلدە بۇل ماقساتقا ارنالماعان. (...) قور ءبىر كەزدەرى سالىقتان جالتارىپ، اقشاسىن شەتەلگە شىعارىپ، ەندى ازاماتتىق ساناسىن كورسەتۋگە دايىندار ءۇشىن. سونداي-اق، باي ادامدار مەن زاڭدى كىرىسى بار كومپانيالار دا اۋدارا الادى. مۇمكىن باسقا دا تابىس كوزدەرى تابىلار. از اقشا اۋدارعىسى كەلسە، ءتىپتى قاراپايىم ادامدار دا جاساي الاتىنى انىق. بىراق ءبىر كۇندىك جالاقىنى اۋدارۋ ءۇردىسىن توقتاتۋ كەرەك، - دەپ ءبولىستى ولجاس قۇدايبرەگەنوۆ.
ەستەرىڭىزگە سالا كەتەيىك، 11 قاڭتاردا ماجىلىستە سويلەگەن سوزىندە پرەزيدەنت قاسىم-جومارت توقاەۆ "قازاقستان حالقىنا" قوعامدىق الەۋمەتتىك قورىن قۇرۋدى تاپسىرعان بولاتىن. 16 قاڭتاردا "قازاقستان حالقىنا" قورىنىڭ قامقورشىلىق كەڭەسى سايلاندى.
"ادىرنا" ۇلتتىق پورتالى
